踏入秋天天氣開始轉涼，唔少人會選擇係屋企或者office放個保溫杯，裝杯熱茶或者咖啡提神。用保溫杯聽落好似好養生，唔駛成日飲凍飲，但原來用得唔正確都會帶來健康憂患。 相關文章：【職場熱話】空姐空少落地三大熱門工種 台灣林口長庚紀念醫院臨床毒物科護理師譚敦慈曾係訪問中提及，酸性飲品同含有豐富蛋白質嘅飲品都唔適合放入保溫杯。因為酸性飲品，例如碳酸飲料、果汁，當中嘅酸性會破壞保溫杯入面嘅塗層，久而久之會產生毒素，長時間吸收會對身體造成傷害。而如果用保溫杯裝含有豐富蛋白質嘅飲品，例如牛奶，豆漿等，則容易滋生細菌。德國檢驗機構杜夫萊茵曾做過實驗，只要將豆漿放入保溫杯半小時經已產生非常多細菌！ 網上圖片 網上圖片 相關文章：【職極健康系列】Chocolate Dessert for breakfast 3ways 朱古力營養甜品燕麥粥 除此之外，大家使用保溫杯時亦唔應該將飲品放置太長時間甚至過夜。曾經就有案例因為利用保溫杯浸紅棗水但忘記飲用，一星期後記起想打開保溫杯時即發生爆炸，更令眼球破裂移位。雖然有專家指出係因為紅棗含有醣類，加入熱水後產生二氧化碳先會造成悲劇，並唔係所有飲品都會咁。但始終將飲過嘅飲品放太長時間都會令細菌增生，所以大家必定要多加留意，同埋要記得定時清洗保溫杯啊！ 網上圖片 相關文章：【職場小智慧】必看3個快速融入同事的好方法！相關文章：【職場熱話】51歲打工仔竟然儲到730萬退休？ 想收到最新職位資訊？立即Whatsapp職職啦！仲可以立即加入職極GigGik揾工快線！！
