今日繼續同大家分享三款無負擔簡單又好味嘅朱古力口味嘅燕麥碗。平時好多人聽到朱古力味嘅嘢都會怕怕覺得好肥同埋好膩，但其實黑朱古力對人係有好多好處。除咗可以加強抗壓力，有助皮膚抗皺，更加有助體重控制。身為打工仔同埋愛美嘅女士們一定要睇吓呢三款燕麥碗點整啦！呢三款燕麥碗因為加咗朱古力，有助延長飽腹感，朝頭早食完返工包你飽到去晏晝，收工當甜品整嚟食慰勞吓自己又得！ 非常推薦上班一族加入蛋白粉入朱古力燕麥碗，因為朱古力入面有適量嘅油脂，加上蛋白粉除咗可以提供身體均衡營養之外更加可以延長飽腹感。最緊要係方便快捷，以下呢三款燕麥碗只需要15分鐘就可以完成。 1.雜莓朱古力燕麥碗 呢款係最經典嘅口味。雜莓含有豐富果酸、維他命及纖維，你可以加入唔同你鍾意嘅雜莓，同朱古力一樣咁夾。 材料heal nutrition純素鹽味朱古力蛋白粉 30g燕麥 40g朱古力杏仁奶 100ml豆腐 30g85%黑朱古力10g無糖朱古力醬 做法1.預先把蛋白粉二比一分量用水拌成糊狀。2.將燕麥、豆腐加入100ml朱古力杏仁奶以及120ml水慢火水煮滾，大概五至十分鐘直至你想要的質地。3.間中攪拌以防癡底。4.熄火後加入蛋白糊以攪拌至均勻。5.加上雜莓，朱古力以及無糖朱古力醬。 營養成份381卡路里, 47g 碳水化合物, 21g 蛋白質, 16g 脂肪。 相關文章：【HR勸世文】求職者的3項常犯錯誤 讓HR在進入面試室的一刻就想取消面試 2.香蕉朱古力燕麥碗 香蕉朱古力真係最夢幻嘅組合，香蕉除咗可以舒緩疲勞放鬆心情之外，仲可以有助腸道健康，如果近排食滯咗有便秘情況食呢款就啱啦！ 材料heal nutrition純素鹽味朱古力蛋白粉 30g燕麥 40g朱古力杏仁奶 100ml香蕉一條85%黑朱古力10g無糖可可粉 3g枸杞莓 適量 做法1.預先把蛋白粉二比一分量用水拌成糊狀。2.將燕麥，半條香蕉蓉加入100ml朱古力杏仁奶以及220ml水慢火煮滾大概五至十分鐘，直至你想的質地。3.間中攪拌以防癡底。4.熄火後加入蛋白糊攪拌至均勻。5.加上香蕉切片，朱古力以及枸杞莓。 營養成份406卡路里, 58g 碳水化合物, 21g 蛋白質, 15g 脂肪。 相關文章：【職業規劃】你必須要知道職業生涯的3個主要階段! 3.香橙焦糖朱古力燕麥碗 呢款係我嘅私心推介，香橙加上朱古力再加多塊焦糖餅乾，食完真係好幸福！橙含有豐富嘅維他命C同Ｐ，大量嘅纖維素還有果膠物質有助排毒。 材料heal nutrition純素鹽味朱古力蛋白粉 30g燕麥 40g豆腐 30gfansdepastoret 0%乳酪30glotusbiscoffus 焦糖醬 10g85%黑朱古力10glotusbiscoffus 焦糖餅乾可可豆 適量 做法1.預先把蛋白粉二一比一分量用水拌成糊狀。2.將燕麥、豆腐及焦糖醬加入220ml水慢火煮滾大概五至十分鐘，直至你想要的質地。3.間中攪拌以防癡底。4.熄火後加入蛋白糊攪拌至均勻。5.加上焦糖餅乾、希臘乳酪、朱古力、橙以及適量可可豆。 營養成份437卡路里, 49g 碳水化合物, 23g 蛋白質, 21g 脂肪。 下星期將會為大家介紹另外三款營養早餐，大家記得留意住啦！ 相關文章：【職場迷思】大學生畢業等於謎惘的開始？相關文章：【職場熱話】空姐空少落地三大熱門工種 想收到最新職位資訊？立即Whatsapp職職啦！仲可以立即加入職極GigGik揾工快線！！
