根據非正式統計，一到秋天，芒草仍然係最受山系旅人歡迎。提起芒草，好多人會諗起大東山，不過呢個高難度嘅景點來回至少5小時，成千級以上石級，的確令好多人望而卻步，你從未行過山而只係想尋芒？大東山就未必啱你。 請給我一個 like :) Thanks! My Facebook Lazy G. Lazy Place 如果你決定勇登大東山，可瀏覽我上年登山經驗及路線分享 --- >Click按我 嚟到網傳另一芒草入門熱點—昂平，唔好以為佢係360個個「昂坪」，昂平係位於馬鞍山，亦係一個位於山上的平原，登山難度2星，只要克服到登山初段嘅石級，以及小心某d路段碎石較多及較斜外，基本上欠缺行山經驗都可以handle。 至於網傳草原上嘅芒草，今次真係失望而回。根據友人過往經驗，昂平草原入秋冬會佈滿芒草，但未知係唔係timing唔啱、芒草未開，抑或係….. !? 1小時登山沿途只見幾棵芒草，而草原上嘅芒草更加失蹤了，只見地上折斷咗嘅芒草，曾經一度懷疑係唔係去錯地方…… 係唔係進入咗另一個時空而無緣遇上芒草呢？唯有失望而回。 零星芒草 起地下執到支折斷芒草，比奸夫仔影相留念 如果你登上昂平草原唔係因芒草而嚟，呢度其實係一個唔錯嘅山系景點，遠望西貢景色、廣闊平原吸引滑翔傘愛好者翺翔天際。而且登山難度唔高，適合一班朋友hea返一個下午。唯一要小心山上嘅牛群較多又較壯，佢地散佈嘅地雷都好密集，唔好打搞佢地為妙。 點擊圖片放大 +2 Where to: 於馬鞍山市中心巴士站搭村巴NR84，或坐綠的去到馬鞍山郊遊徑(車費約HK$50)，往昂平方向步行，登山需時約1小時，回程只要沿路折返即可。(呢個係最入門方法，當然可以提升難度，回程步行至西貢)。留意沿途無補給，記得準備好物資先上山，入黑後無燈光，記得帶埋小電筒。 回程村巴NR84站 的士嚟到馬鞍山郊遊徑，落車之後往昂平方向(上圖中前方就係回程的村巴NR84站) 大約半小時會見到一個涼亭，再往昂平營地方向，約半小時就到達草原 留意有D路段比較斜，小心滑石 比多小小心理準備大家，如果搭村巴NR84，要留意時間，因為佢係為馬鞍山村居民而設，當然村民優先，落山回程時未必有位，要有心理準備行返出市區，交通比較不便。(落山後可步行至錦英苑，就有巴士去返馬鞍山市中心或沙田MTR站。) 雖然尋唔到芒，但落山之時好好彩見到一群螢火蟲，點點綠光算係少少Suprise! 如果你為芒草而嚟，而家timing未必啱，等佢盛開先嚟都唔遲呀。 呢個入門級尋芒點，會唔係你今年選擇? BTW….真係好掛住大東山嘅金芒，真係好靚好靚！ 瀏覽上年大東山登山經驗及路線分享 --- > Click按我- 請給我一個 like :) Thanks! My Facebook Lazy G. Lazy Place 請尊重原作，Lazy G.Lazy Place U Blog為版權所有，轉載請先聯絡本人，轉截請刊明出處及本Blog 連結。
