近來大熱嘅鶴咀，睇日落真係一流， 古蹟燈塔、天空之鏡、海岸美景、天然海蝕洞，所有種種不得不遊。 請給我一個 like :) Thanks! My Facebook Lazy G. Lazy Place 鶴咀點解咁Hit，除咗易行、海岸靚景、高清大日落之外，都別無其他原因。 小小一個地方吸引大家前嚟，總有佢絕妙之處。 要嚟鶴咀一d都唔難， 首先去箕灣筲巴士總站搭9號巴士，去鶴咀站落車，然後一直行，小心入村之後會有狗狗。 再直行會見到一間私人電台，如果唔想滿腳泥濘，就唔好咁急行去草地，沿石屎路行，好快起左手邊會見到一條小路，之後轉落草地就可以避免一腳泥巴。(可憐嘅我就起呢度搞到一對走佬鞋報咗消><) 穿過草地之後，一直向前行會有一條分叉路，古蹟燈塔就係左邊，海岸靚景就係右邊。 古蹟燈塔 海岸靚景 起呢度睇日落真係一流，我認為係暫時起香港睇過最靚嘅日落。 除咗一條幼鯨骨標本，呢度又有一大片天空之鏡，啱哂愛拍攝之人。 除咗以上景點之外，其實鶴咀仲有好多check points，例如：機槍堡，以及蟹洞、雷音洞2個海蝕洞，但我當日狀態麻麻，無去到呢3個地方，下次有機會，一定要再遊。 鶴咀 至 巴士站來回共11公里，留意入夜之後係無街燈，如果要睇日落，冬天好快入黑，所以都係要帶電筒安全D。出發前查查資料，發現鶴咀起1996年被定為香港唯一個個海岸保護區，所有水上活動同破壞海岸嘅行為係被禁止，大家記得要有公德心，唔好破壞一個咁靚嘅地方。 請尊重原作，Lazy G.Lazy Place U Blog為版權所有，轉載請先聯絡本人，轉截請刊明出處及本Blog 連結。 請給我一個 like :) Thanks! My Facebook Lazy G. Lazy Place
