想食海鮮,九龍人會諗起鯉魚門,你都唔例外吧? 請給我一個 like :) Thanks! My Facebook Lazy G. Lazy Place 除咗海鮮街,鯉魚門其實別有天地,廣闊礦場、無敵海景、天空之鏡、好天氣嘅話,日落同Magic Hour真係一流! 鯉魚門係昔日嘅小魚村、慢慢變為商業味濃嘅海鮮街,要去3大Check Points,必須先穿過海鮮街,一直向前行,先至可以集齊check in景點。 Check point 1 – 天空之鏡 走出叫賣不斷嘅海鮮街,世界好似突然寧靜起嚟,再向前行會見到座落海邊嘅天后廟,左邊穿過去之後一直行。 沿路往天后廟 穿過天后廟之後會嚟到第一個石灘,如果想行落去就要小心行,因為入面好多玻璃、破殼。但天空之鏡並唔係起呢度。再一直行,穿過石屋村莊,行到最尾冇路行?望去左邊屋與屋之間有條好窄嘅路,跟住箭咀出又會見另一石灘,check point 1到啦! 天氣好嘅話,海水加上石塊會形成一小片天空之鏡,倒影之下啱哂愛攝之人,大家遇到佢不妨發揮下創意影個夠。 巨石上都好多人垂釣,旁邊就係天空之鏡。 點擊圖片放大 Check point 2 – 石礦場 影完天空之鏡,向前行,就可以去到石礦場,記得小心有村狗出沒。石礦場起唔同天氣會有唔同景色,我自己就比較鍾意秋冬季、芒草、秋葉同金金黃黃嘅天色真係好match。至於夏天,就會變得綠油油。 除咗攝影發燒友外,近嚟好多人嚟呢度玩cosplay攝,睇下,幾多支閃燈,好強呀! 起海邊吹下海風,好爽! Check point 3 – 燈塔 最後一個點,就係行返出去燈塔,個人認為燈塔旁嘅石灘睇日落、Magic Hour係鯉魚門區最靚嘅。 火燒天、雲彩、晚霞、夕陽,每一次嚟呢度都有唔同變化,除咗靚,諗唔到其他字形容。 點擊圖片放大 入夜之後,小心燈塔附近有米老鼠,仲要係唔只一隻!初時見黑影行得好快,以為係橫行嘅蟹,點知係好大隻嘅米老鼠!!! 嚇死! 慢活一個下午,3大check points已經殺咗好多相機memories,下次嚟食海鮮之餘,不妨嚟行一行! 請尊重原作,Lazy G.Lazy Place 為版權所有,轉載請先聯絡本人,轉截請刊明出處及本Blog 連結。 請給我一個 like :) Thanks! My Facebook Lazy G. Lazy Place