香港人嘅生活總係雜唔開返工、返工同返工,放假嘅時間又唔係多,邊可以咁多時間往山裡跑? 請給我一個 like :) Thanks! My Facebook Lazy G. Lazy Place 身處鬧市,有時突然想靜靜地、觀下雲、睇下天、賞日落,有無可能呢?有時唔需要長途跋涉、舟車勞頓,近近地已經可以起鬧市享受片刻嘅寧靜,真係這麼近又那麼遠。 石屎森林中的一座山 — 嘉頓山 屬於深水埗區嘅一個小山丘,點解叫嘉頓山?因為起山腳有一間嘉頓麵包廠,因而得名。但我每次經過嘉頓反而唔係諗起麵包,反係諗起細個食過又好懷念嘅嘉頓雪條。 要去呢度睇風景方法好簡單,由美荷樓旁邊嘅樓梯拾級而上,十幾分鐘就可以到達, 靜靜地俯瞰深水埗、石硤尾嘅舊式屋邨同新起樓宇相映形趣,好天氣仲可以睇夕陽,一到夜晚,萬家燈火就好似天上繁星,夜景特別有feel。 靜靜地同朋友起呢度坐下,傾下計都唔錯,有時你想行下山靜下,但總有朋友無咁好腳骨力,嚟呢度就可以兩全其美啦! 談完心、仲可以去附近食返個糖水,真係好啱每分每秒都唔可以停落嚟嘅香港人。 今次睇唔到夜景,希望下一次睇到城市製造嘅萬天星星。 請尊重原作,Lazy G.Lazy Place U Blog 為版權所有,轉載請先聯絡本人,轉截請刊明出處及本Blog 連結。 請給我一個 like :) Thanks! My Facebook Lazy G. Lazy Place