懶咗好耐，終於再出動郊遊啦！ 請給我一個 like :) Thanks! My Facebook Lazy G. Lazy Place 趁秋風呼呼，最好就係遠離繁囂，久休復出，第一站就去咗想去好耐嘅東壩。 以前一提起東壩，就會覺得： ‧嘩，好遠wo! (起北潭涌步行要3小時/ 共10公里) ‧睇星星一定好靚！ ‧回程打的，好易遇上黑的wo( 之前有fd唔好彩遇到，加上之前報紙都有講) 總總原因，加上「懶」，結果拖咗大半年先出動。咪以為郊遊一定好辛苦，今次唔洗點出腳骨力就去到東壩，因為去程回程都係好舒服咁打的(由西貢市中心至東壩綠的約HK$110一程，如果4,5個人夾份，會經濟少少)，呢個輕鬆遊真係啱哂一D想親親大自然但又怕行得多嘅人呀。 (來回打的去郊遊，真係第1次) 經過20mins車程，就會見到好靚嘅海景，當日遊人唔算多，可以靜靜地欣賞呢個聞名以久嘅美景。 最令我開心嘅係見到好廣闊嘅海景，加上巨型錨形石，個一刻真係覺得自己幾咁渺少。 點擊圖片放大 大家行近錨形石影相真係要小心，因為佢都真係好高，萬一失足出意外就唔好啦。 除咗錨形石，東壩最出名當然億萬年前因火山爆發而形成嘅六角柱，由於佢長年經風化，所以眼見都有石頭剝落。當日見到遊人貪得意企上石柱影相，其實真係有D唔高興，億萬年嘅歷史唔係應該好好保護咩？希望大家可以愛護大自然！ 秋天好快日落西山，起呢度睇埋日落就走lu，提提大家如果想坐的士返西貢市中心，起回程30mins前就好call定啦，不過要有心理準備假日有可能會無車。 牛牛出末注意！唔好打搞佢啦！ 再提提大家，入到去係無補給，想行就要準備定食水同乾糧，雖然有流動便廁，但....... 你懂的，一打開門，氣味加上好多烏蠅...真係暈啦！同埋係無得洗手 >< 所以請準備消毒濕紙巾。 而家咁好天氣，大家不妨起程啦！ 請尊重原作，Lazy G.Lazy Place U Blog為版權所有，轉載請先聯絡本人，轉截請刊明出處及本Blog 連結。 請給我一個 like :) Thanks! My Facebook Lazy G.Lazy Place
