鍾意去日本嘅你，呢2日係唔係被日元6.3兌嘅news而吸引住，心思思又想飛返轉日本呢？ 去日本，女生點可以少得藥妝呢一part？ 請給我一個 like :) Thanks! My Facebook Lazy G.Lazy Place 日元兌換愈來愈抵，愈來愈多人去日本食買玩。妝藥店梗係要潮拜一下，以下係我起關西藥妝店嘅戰利品(makeup,skincare無咩買到，因為用開韓國貨。而日本藥妝店吸引我嘅只係藥品) 戰利品如下 (藥物類) 胃氣藥 - 新表飛鳴S(錠) 改善腹瀉 ．便秘． 脹氣 ．食欲差． 腸胃不適． 促進食慾．幫助消化 胃脹脹一食佢，真係好快「嗝」氣，舒服咗。 新露露綜合感冒藥 feel到作感冒，或初有感冒，一食佢，感覺舒緩咗。 白色包裝EVE-A錠 針對頭痛、生理痛等 我成日頭痛，買呢個都係看門口，感覺佢被必理痛溫和少少 溫感止痛貼 買比家人看門口用，我無試用過未知效果 龍角散 相信呢個唔洗多介紹，去日本總有人會叫你幫手買 PS: 新露露綜合感冒藥、EVE-A錠之前有報導話愈食愈上癮，因為含有鴉片成分，藥物食太多始終唔太好，效果人人不同，都係睇自己身體狀況啦！ (Skincare類) 花王溫感eye mask 去日本買呢個eye mask真係平好多，當然要買一大盒啦！眼疲倦個時用，會舒服d，無咁腫。 小林液體膠布 起日本幾日天氣太乾，手指長期爆開、倒刺又唔埋口，真係十指痛歸心。於是有日忍唔住買呢支人人都話好用嘅小林液體膠布，一用之後真係愛上佢。而家無論Paper cut或小小損傷都用佢。不過佢味道我唔係太鍾意，好似超能膠咁。 另一支曼秀雷敦液體膠布朋友搭單，佢話好用 (Skincare類) 點擊圖片放大 +2 Pure Smile 京都限定臉譜綠茶mask 呢片mask搞笑居多，個人就唔太like個效果，我覺得敷上去唔太舒服，有d焗身，保濕唔太顯著。 買比人一齊敷，都可以呃like嘅。 DHC Lip Cream 日本買好平，買咗1支試，不過我諗唔會再買，因為唔啱自己用，搽完仲覺得好乾。 shiseido透明變色潤唇膏 未開封，未知效果，因為半價所以貪得意買。 Liese 染髮泡泡 呢個牌子好多人都用過，見呢隻綠色香港無，又平(約HKD$70/2盒)，於是買返香港啦！ Kanebo 洗面粉 好多女生一定識，適合缺水、毛孔粗大、有黑頭粉刺的肌膚，洗面真係好乾淨。 Santen FX Neo 清涼眼藥水 涼感：5級 (0~5級中最強等級) 倦眼用，好涼好舒服呀！ 貓貓特別版 如果唔鍾意太涼，買"3"度就OK。 Pair 暗瘡膏 呢支真係好好，又平又大支，雖然我唔係豆豆肌，不過有時出一、二粒，用完第2日，紅要腫腫嘅豆豆平伏咗，仲要唔痛。 (家品類) 花王衣物去漬劑 方便出街食嘢唔小心整污穢件衫，快速去漬。價錢平香港一半，大約HK$20。 2款清香衣物噴劑 有時出去打邊爐/BBQ/韓燒，件衫一定留底異味，呢D噴劑就可以快速去味，我好鍾意用。 介紹咗咁多，你又有無邊D好用物品介紹一下呢？ 請尊重原作，Lazy G.Lazy Place U Blog為版權所有，轉載請先聯絡本人，轉截請刊明出處及本Blog 連結。 請給我一個 like :) Thanks! My Facebook Lazy G.Lazy Place
