一間號稱以費洛蒙為元素嘅甜品店，你有興趣試試嗎？ 請給我一個 like :) Thanks My Facebook Lazy G.Lazy Place 費洛蒙係D咩?簡單講，即係吸引異性嘅化學物質，咁，食咗佢，咪.............. haha 諗多咗，我就認為佢令人快樂就真，無論男仔帶女仔去食，定係女仔同幾個朋友同行，相信都會好開心又滿足。 新開大約2個月嘅Pheromone Dessert，又係一間相機先食，然後再滿足到心靈同肚皮嘅甜品店。 而我就係衝住佢嘅棉花堡而嚟，無錯棉花糖甜品近幾個月的確好hit! 我在旺角遇上了棉花堡! 真係有個頭咁大呀!未食已經好開心啦，當然又再一次相機先食啦！ 呢杯係特濃朱古力幕絲棉花堡，上面大大粒嘅係士多啤梨棉花糖，2個人食岩岩好，唔會過甜。 杯入面幕絲好濃朱古力味，配埋新鮮士多啤梨粒、朱古力米、碎糖，雪糕，好啱過口癮，甜度適中，唔錯！ 另一杯係芒果撈麵，其實即係Pancake嘅皮界成一條條河粉咁，加埋新鮮芒粒、好滑嘅cream、雪糕、蝴蝶酥，口味新鮮之餘，亦都幾好味！比較啱鍾意食cream嘅朋友。 Pheromone Dessert 雖然位於旺角，但環境絕對清靜，藍色主調設計，我個人就好like啦。 除咗激起費洛蒙之外，我相信咁精緻嘅甜品，的確又引發咗快樂荷爾蒙安多酚 :) Where to: 旺角白布街藝興大廈8號地舖 請尊重原作，Lazy G.Lazy Place 為版權所有，轉載請先聯絡本人，轉截請刊明出處及本Blog 連結。 請給我一個 like :) Thanks My Facebook Lazy G.Lazy Place
