「生平不作虧心事，夜半敲門也不驚」...... 所以小G今次台中遊特別加左刺激行程 — 闖蕩妖怪村！ 日式建築？又有神社、烏居？乜小G去咗日本咩? 哈~ 其實我邊有咁大膽去「搞鬼」丫，只係去咗 溪頭妖怪村，而佢亦係明山大飯店主題飯店，以日式建築風格為主嘅玩、食、宿新景點。 慢慢行入去已經感受到日本風情啦！ 小G入到去，完全係進入開心Mode，因為入面建築同商品好吸引我，所有擺設都係用妖怪為題，真係愈行愈見「鬼」呀! 有無d 似曾相識感覺？ 又有一隻「鬼王子」等梗你~~~ 怕「見鬼？」咁就要去出下血，話唔定有避邪作用~ 哈哈! 其實我係指血拼！ 入面最出名有妖怪麵，係豬肉泡麵 (買咗，但未試食，唔知入面會有咩呢 :p) 各式各樣妖怪飲品 妖怪商品 - 佢叫枯麻 妖怪商品 - 佢叫八豆 小G 見到呢D精品，忍唔住買咗，d名真係笑死我~! 行到肚餓都唔洗擔心，因為入面有好多小食、特式妖怪食品、餐廳，如果樣樣都試一d，基本上都好飽lu。 估下呢個眼球係咩野？ (開估：湯丸) 講到食，妖怪村內有個久保田烘焙坊，主要賣自家出產麵包，仲有創意商品，佢最出名係「咬人貓」，可惜要排大隊，所以無緣一試... 久保田烘焙坊 其實邊個話妖怪一定好可怕，只要有創意，包你鐘意呀! 如果有時間，去玩返半日都係唔錯選擇。點解我話半日呢？因為溪頭比較遠，由台中火車站出發要坐1.5小時公車，但公車班次好少，所以都係要住1晚比較好，而且仲要住近妖怪村呀，咁先感受到妖怪夜晚氣氛。 咁另外半日去邊？下次再話你知 XD 溪頭妖怪村 營業電話：(049)261-2219 營業地址：南投縣鹿谷鄉內湖村興產路二之三號 請尊重原作，Lazy G.Lazy Place U Blog為版權所有，轉載請先聯絡本人，轉截請刊明出處及本Blog 連結。 請給我一個 like :) Thanks! My Facebook Lazy G. Lazy Place
