[離島郊遊］大澳 Tai O 記得對上一次去大澳係文物酒店剛開業，都已經好幾年既事啦！近年大熱虎山日落相片不停比朋友洗版。趁聖誕假期，我就同朋友親親大澳水鄉。 大澳依家真係開左好多食店，上一次去過蘇廬cafe，今次做過research 得知一間三盞燈既cafe，店主熱愛咖啡連佢自己都估唔到會回流鄉下開咖啡店，仲發現原來自己既本土係咁靚。成間店舖真係故色故鄉，好似去左中國景點咁。我相信係呢個位置食個小吃，論食物環境價錢絕對超值。加上店主真係好好人，面對咁多客人都能保持禮貌同笑容，還不繼提醒我地d趕命香港人記得要慢活，可惜既係聽到佢地將會結業，希望我聽錯，所以大家想去既話記得要盡快去啦！ 食完個tea 差唔多要上山，講真，我完全唔覺得呢個係山，樓梯又快行完，大家完全唔洗擔心行唔到，比起長洲小長城還要輕鬆得多。想影靚相又想睇日落唔好錯過，乘機同女友浪漫一番。 另外，未去過文物酒店既朋友，不妨去參觀一下，酒店餐廳又一影相位，成間玻璃屋，咁岩遇著聖誕，真係非常有外國feel。原來聖誕係個度食buffet 都唔算太貴，可以不妨一試。 想睇埋片就去以下網址 想知道更多唔同資訊同 今次大澳既相就要follow埋我iIG & FB INSTAGRAM FACEBOOK
