話說早前去左大陸既Team Lab ，原本我打算去完Team Lab 之後去蛇口那間工業風咖啡店。無奈我同同行朋友太愛拍照，係Team Lab 一留留左三小時，一離開只好係附近搵吃的。 但身為一個偽啡迷點可以唔飲返杯咖啡，其實，我一早有二手準備，一間就係蛇口比較遠既，另一間就係購物公園站，好讓我無時間去蛇口那間咖啡店也可以品嚐到咖啡。 Brother kafe 係位於一個類似中環格局既商業區內，店面面積不大，但感覺清新舒服，設計日系簡約，多以白色加淺木傢具為主。亦見到唔少年青人不忘拍照打卡，尤其那開放式窗戶最有特色。 當日六點左右才到達，店內只剩下不多甜品供選擇，但知道制作甜品師曾考獲東京藍帶証書，所以我都想試下，我選了一件草莓蛋糕，名字叫愛麗絲，特別喜愛，清新草莓仲帶有少少果肉，又不太甜，真係好好好味，價位仲幾高 $5x 人民幣。至於咖啡選擇有黑/白系列，我就選了普通既latte 味道唔錯，拉花都好靚。咖啡價錢20幾人民幣，正正常常啦！ 整體店員都有禮貎，主動交談，仲比左一小杯ice drop coffee供我品嚐，雪左三日既ice drop 成杯whiskey 咁，聞已經覺得成杯酒咁，我嫌味道太重了，細細杯淺嚐就可以既！ 跑步•行山•咖啡•旅行•扮靚 已經成為生活中的一部分 有興趣探索我的世界？ Instagram @ ggladyslau FB @ gladyslau2017
