點擊圖片放大 +8 老媽子生日帶咗佢去食最鍾意嘅中菜😎我揀咗尖沙咀Isquare上面呢間食精緻潮州菜，裝修好靚坐得舒服，整體食物都高質，老媽子都好滿意😌🍵鴨屎香單叢茶佢哋都有啲特別嘅茶可以選擇，所以我就揀咗呢一隻，清香得嚟但係有少少回甘。✨五小福話梅涼瓜唔會太苦反而幾清甜、蕃茄合桃合桃放咗喺車厘茄入面好有心思、魚子醬帶子、炸裸條、酒醉鮑魚好彈牙好入味。⭐️潮州翅湯頭非常濃郁，但係又唔會太滯，翅份量都多而且好入味。🐟椒鹽白飯魚炸粉好薄好香脆，完全唔油膩。🦐欖菜焗虎蝦虎蝦無論蝦身或者蝦頭都焗得非常香脆，加埋欖菜一齊食超級惹味。💫翡翠黃魚扒黃魚扒皮脆肉滑，加上下面清新嘅菠菜汁啱啱好可以平衡油膩感。🍀方魚芥蘭芥蘭非常爽脆，依然翠綠。🍚層出不同呢個返一上嚟嘅時候好似生日蛋糕🤣入面有芋頭、紫椰菜、蝦乾、鹹肉、蜆肉，要自己用匙羹撈勻，炒飯乾身而且口感層次豐富。🌼漸變桂花糕造成一粒玫瑰花形狀真係好靚，食落去有好清香嘅桂花味。靚景指數:💛💛💛💛💛好食指數:💛💛💛💛💛抵食指數:💛💛💛💛@chaoclub📍潮藝館地址: 尖沙咀彌敦道63號iSQUARE國際廣場6樓602號舖#hkfoodieblogger #hkfoodies #hkfoodielife #hkfoodig #hkeats #topcitybiteshk #食評 #香港食評 #香港美食 #香港好去處 #香港 #食好西 #尖沙咀美食 #尖沙咀 #germgerm識食 #germgerm識食尖沙咀 #中菜 #潮州菜
