點擊圖片放大 +9 之前去大阪嘅時候食過串揚就好想喺香港再食，估唔到喺香港都可以食到，所以就同朋友約埋去食一間日本連鎖串揚喺香港開嘅分店💫串揚其實又叫做炸串，喺香港係比較少見，其實佢係將肉或者蔬菜串喺竹籤再油炸至金黃色☀️喺大阪關西地區入面其中一種平民美食🌸今日我哋晏晝過嚟食lunch set，見到店舖有Halloween佈置都幾有心思，我哋兩個都叫咗七串套餐$198，可以揀七串串揚或者串燒+沙律+主菜+飲品，另外仲有日本生菜俾你食，同埋唔同醬料俾你自己用嚟點🍀🍤串揚-豚、雞肉紫蘇卷、三文魚、芝士、年糕、牛、蝦炸粉超級薄，入口酥脆唔油膩，估唔到所有肉類炸完仲係好juicy肉質一啲都唔老，牛肉係出色。芝士要趁熱食會拉絲。估唔到蝦都非常彈牙，如果下次俾我揀我就會揀晒全部串揚🤣🍢串燒-柚子豚肉燒、京蔥雞、三文魚煙肉、牛舌、牛串燒都唔錯，京蔥雞皮脆肉嫩，三文魚煙肉上面有少少明太子醬估唔到個味好夾。🍙味噌燒飯團燒到個飯團出面香脆，入面仲係軟糯，不過略嫌鹹咗少少。🍜冷蕎麥麵係抹茶味嘅蕎麥麵，食落去好清新，口感啱啱好。靚景指數：💛💛💛💛好食指數：💛💛💛💛💛抵食指數：💛💛💛💛@janjanhkg📍Jan Jan 串揚專門店 (尊豪坊)地址: 尖沙咀赫德道25號尊豪坊1樓
