🍣刺身新鮮嘅日式料理今日過咗嚟灣仔整啲嘢，跟住就去咗QRE plaza搵食，見到呢間餐廳都有好多好評，所以就去咗食，估唔到坐得好舒適刺身亦都好新鮮👍🏻🍱午市行政套餐 $368-日式海葡萄牛油果蟹肉沙律蟹肉好新鮮，海葡萄有咬口。-茶碗蒸正常茶碗蒸味道。-鮮打𩶘魚湯好重好鮮甜嘅魚味，我唔鍾意飲湯都飲咗好多🙈-特上刺身生蠔盛合有時令生蠔、北海道牡丹蝦、北海道帆立具、三文魚刺身、拖羅，全部刺身都好新鮮，特別係牡丹蝦好大隻同埋彈牙。-鮮果脆脆雪糕杯係藍莓加紅豆雪糕同埋加一啲粟米片，食落去成個口感甜甜地又脆脆地，作為一餐嘅總結都幾好。-熱紅豆薏米茶因為刺身比較寒涼，所以我就揀咗呢款養生茶🤣幾好有蠟燭俾你熱住啲茶。⭐️蔥碎拖羅鮮味拼盤 $208-野菜沙律、日式蒸蛋、餐湯-蔥碎拖羅配三文魚籽碎拖羅個味啱啱好，配埋三文魚籽同埋飯真係鮮味爆發。-北海道帆立貝、左口魚裙邊+時令壽司我自己就比較鍾意食帆立貝，而且都好大粒。-三文魚及甜蝦刺身三文魚都幾厚切。-迷你鰻魚丼鰻魚如果多啲就更加好，味啱啱好唔會太濃。-雪米糍估唔到係芋頭味雪米糍，已經好耐冇食過，之前好鍾意食。靚景指數：💛💛💛💛💛好食指數：💛💛💛💛💛抵食指數：💛💛💛💛@misuseafood📍Misu Seafood Cuisine地址: 灣仔皇后大道東202號QRE Plaza 26樓 #秋日美食 #全民打卡企劃 點擊圖片放大 +7 #食評 #香港食評 #香港美食 #香港好去處 #香港 #食好西 #灣仔美食 #灣仔 #germgerm識食 #germgerm識食灣仔 #刺身 #壽司
