點擊圖片放大 +11 好耐無食燒肉，係銅鑼灣想食燒肉又唔知食咩好就即刻諗起之前去黃埔食過Yakiniku Kakura好高質而銅鑼灣又有分店就即刻上去食🤤座位比黃埔店更加闊落，坐很好舒服🤭💫椿 (2人前) $698-若雞雞腿雞胸燒耐咗都唔會好嚡，肉質幾好。-牛腸好邪惡入面有啲肥膏，調味亦適中，口感超級煙靭。-特上牛胸腹肉雪花比和牛少，但牛味重。-黑毛和牛腹柳小排好重油份，啱我呢啲鐘意油香嘅人，不過燒一陣好啦如果唔係因為油份重好易搶火易燶。-鹽味牛舌燒完煙煙靭靭幾好食-大蝦好大隻蝦，肉質彈牙⭐️活鰻魚 $148呢款係秋冬限定店員會幫你燒，搽上鰻魚醬好惹味，肉質非常彈牙燒得啱啱好，完全冇腥味。🥩大判燒黑毛和牛西冷 $178大過手掌嘅西冷，好重油脂感，食落去好香牛味，燒完之後再點生雞蛋同醬油食好正，果然係signature dish。🥬涼拌菠菜 $38清清地有少少芝麻調味，食咁多肉都要食返少少菜。🍚佐賀紫菜飯 $48燒肉一定要配紫菜撈飯，好多紫菜仲有隻半熟蛋。🍮甜品雖然係免費嘅，但都唔求其，有杏仁布甸同雲呢拿雪米糍，杏仁布甸滑嘟嘟又香杏仁味。靚景指數：💛💛💛💛💛好食指數：💛💛💛💛💛抵食指數：💛💛💛💛@yakinikukakura📍YAKINIKU KAKURA (Tower 535)地址: 銅鑼灣謝斐道535號Tower 535 1樓101-102號舖
