室內遊樂場——小朋友放電好去處！搜羅全港九新界唔為人知嘅室內親子好去處，務求可以令各位家長可以同小朋友重捨玩樂新鮮感！今次嚟到港島站🚎！1. Verm City Climbing Club住港島嘅朋友，唔知你哋平時放假會同小朋友去邊到玩呢？銅鑼灣行到悶，又唔想去中上環上上落落？今個週末，不如試下玩啲新嘢，同小朋友去玩攀石啦🧗！今日小君子就嚟介紹位於鰂魚涌嘅Verm City Climbing Club，場地喺2017年落成，而且引進紐西蘭嘅攀石場設計，適合一家大小一齊玩！唔洗擔心唔識玩，第一次去必須有教練喺旁邊教導攀石技巧，等你玩得安全又放心。 Verm City 同Angry Birds大搞Crossover，將真係夠晒特別！ 圖片來源: https://www.facebook.com/vermcity/2. Dreamland Playground童.遊大世界小朋友唔中意運動，仲有辦法！杏花邨杏花新城入面都有Playhouse「Dreamland Playground童.遊大世界」場內雖然唔算大，但係設施應有盡有，夠晒小朋友玩！去厭咗其他地方嘅話，今個星期可以試下轉個口味去東區玩下！ Dreamland入面設有唔少主題區，Dreamland最具特色嘅部份就係利用光影效應，令到場內佈置更加夢幻，小朋友玩都玩得開心啲啦！原有嘅光影波波池，最近更改成海綿池，讓客人有煥然一新的體驗！ 圖片來源: https://www.facebook.com/dreamlandplayground.com.hk 3. Planet J Kids講起冒險樂園，可能係好多90後嘅童年回憶，但係宜家睇翻就會覺得有啲過氣，但係原來冒險樂園喺銅鑼灣時代廣場9樓開咗間全式室內遊樂場「Planet J Kids」。入面包咗好多其他新遊戲機，有各款VR遊戲機，仲有兒童賽車場添！設施齊全又新，環境又大，小朋友話落都特別開心。 當然，除咗新設施之外，少不免都有好多傳統遊樂場嘅設備，例如夢幻波波池、公仔機同埋其他街機！ 圖片來源: https://www.facebook.com/PlanetJHongKong 更多親子好去處、親子活動推薦：【君子樂活】室內親子好去處 - 新界篇【君子樂活】室內親子好去處 - 九龍篇【親子好去處】科學園一日遊【君子樂活】小動物隨處可見～3個地點令小朋友愛上行山！【君子樂活】和孩子一起做STEAM手工 訓練腦力和發揮創意吧！【君子樂活】5個活動 加深親子聯繫【君子樂活】必看的5套啟蒙電影 讓孩子更了解這個世界
