室內遊樂場推薦篇，今次嚟到九龍站啦🥳！小君子繼續為大家搜羅全港九新界唔為人知嘅室內親子好去處，務求可以令各位家長可以同小朋友重捨玩樂新鮮感！快啲嚟睇下啦！1.Go Play Panda Canvas玩樂熊貓館玩樂熊貓館係以日本風格打造嘅一個室內遊樂場，場內有300幾款遊戲，有電動車、巨型stem牆、木製玩具、鞦韆同各類型嘅室內遊戲，包保小朋友玩唔厭。 場入面分咗四個區域，由大面積嘅「自由玩樂空間」，可以玩車，到Stem牆嘅「創意知育空間」，再到有唔同遊戲機嘅「悠閒娛樂空間」，最後仲有可以大展身手嘅「跑跳活動空間」，呢4個空間可以滿足晒小朋友嘅所有需要！ 圖片來源: https://www.facebook.com/Goplaypanda 2.香港樂高探索中心疫情期間冇得去日本Legoland？不如去住香港版Legoland先啦！K11 Musea 開咗間用上萬塊Lego堆砌而成嘅超級室內遊樂場。 場內更加設有10個主題園區，包括古堡歷險、迷你天地、樂高好朋友、樂高創意工作室、樂高得寶農莊、魔法轉盤、樂高賽車場、樂高4D動感體驗、樂高咖啡室及禮品店，佔地3萬呎，分分鐘玩足一日都玩唔晒。 圖片來源: https://www.legolanddiscoverycentre.com/3. Lost Junior帶小朋友去玩來來去去都係個啲，唔係去室內遊樂場就係去行街睇戲？不如試下同小朋友去啲新嘅地方，今次小君子為大家推薦Lost Junior密室逃脫遊戲場地畀小朋友玩，小朋友可以同其他小朋友一齊去玩，學習解難能力同埋社交技巧。 Lost Junior 有唔同劇本，全部劇本都唔會含有兒童不宜嘅元素，亦唔會有驚嚇元素，總有一款啱小朋友玩，最好就緊係約埋親朋戚友一齊去玩啦！除咗密室逃脫之外，家長仲可以喺Lost Junior同小朋友搞Party慶祝添！圖片來源: https://www.facebook.com/lostjuniorhk/ 更多親子活動推薦: 【君子樂活】室內親子好去處 - 新界篇【親子好去處】科學園一日遊【君子樂活】小動物隨處可見～3個地點令小朋友愛上行山！【君子樂活】和孩子一起做STEAM手工 訓練腦力和發揮創意吧！【君子樂活】5個活動 加深親子聯繫【君子樂活】必看的5套啟蒙電影 讓孩子更了解這個世界
