最近香港爆發第五波疫情，有唔少家長都因為驚小朋友會感染到omicron而為小朋友做好防疫措施。 有家長係星期六嘅story 留言叫小君子俾一啲防疫嘅建議，以下係我哋嘅建議👇🏻😷1️⃣合尺寸的口罩有家長因為怕口罩太細小朋友會帶得唔舒服而特登買大啲嘅口罩俾佢哋，不過如果口罩太大的話，面部同口罩就會有空隙，保護性大大減少，所以揀口罩記得揀尺寸適中嘅同埋包裝盒有寫PFE同埋VFE濾菌率嘅！（兩個超過95%更好）2️⃣勤洗手&隨身攜帶消毒搓手液出街之後，去完廁所後，食飯前後，打噴嚏或咳嗽後，接觸到唔乾淨嘅野之後小朋友都要洗手，當環境唔方便就要叫佢哋用消毒搓手液洗手。除咗提小朋友要洗手之外，亦都要教佢哋正確嘅洗手方法，要清潔手指罅同手腕，搓手至少二十秒。怕小朋友用太多酒精搓手而手變得乾燥嘅話，家長可以考慮用無酒精消毒搓手液！3️⃣保持屋企乾淨同空氣流通其實我哋身上的衣服，鞋，甚至眼鏡上面都有好多細菌，所以衣服番到屋企要清洗，如果係會再著的話，就要掛係通風的地方最少一日。至於鞋就要入門口之前先踩下消毒地氈，並放喺通風位置。而眼鏡就根據物料用清水或者係梘水清洗。另外每日都要用1比99稀釋家用漂白水去清潔屋企。最後要經常打開窗，可以用風扇或者抽風扇加強空氣流通！4️⃣小朋友要多做運動雖然要減少外出，但係小朋友都唔可以缺少運動，運動幫小朋友打造一個健康同強壯的身體，提高免疫力。家長不妨俾小朋友參與下家務，俾佢哋出番身汗！除咗運動之外，更重要嘅係要有充足睡眠同休息！5️⃣小君子任務長期抗疫小朋友都會有鬆懈嘅時候，家長可以用小君子App俾個關於衛生小知識既任務提醒下佢哋！ 最後家長要留意住小朋友嘅身體狀況，如果有唔舒服就唔好返學同埋即刻睇醫生啦！小君子祝所有家庭都健康！更多君子小知識：https://www.gentlekids.com.hk/tips
