小朋友終於等到了個悠長嘅聖誕假期，當然要好好珍惜呢個機會同爸爸媽媽一齊出街、打卡，歡樂過聖誕啦🎄！就等小君子為你推介4個聖誕親子好去處，有得玩又有得打卡！千祈唔好錯過！1. FUN享聖誕HOME PARTY 歡度不一樣的樂高®繽紛聖誕想搵聖誕老人影相📸️？咁就一定要去聖誕老人Home Party（聖誕樂高派對）！仲有用45,000塊LEGO積木同超過480小時砌成嘅2米高幻光聖誕樹、聖誕老人大廳同LEGOLAND展區，真係超級有節日氣氛！ 除咗可以參觀聖誕老人嘅屋企，仲可以參加「聖誕創意工作坊」，同小朋友一齊拼砌獨一無二的聖誕老人或雪人的LEGO模型添！ 日期：2021年12月1日至2022年1月2日地點：香港樂高探索中心（LEGOLAND Discovery Centre）2 尖東聖誕燈飾 可愛曲奇造型動物 迪士尼主題燈飾聖誕最唔少得嘅當然係睇燈飾、打打卡啦！其中一個一定要去嘅打卡地點就係尖沙咀海港城同尖東海濱長廊一帶。今年海港城燈飾嘅主題係「聖誕客運站」（Christmas Terminal），有超級可愛嘅曲奇造型動物，例如熊仔同企鵝，仲有曲奇聖誕樹等裝飾。 想有專人幫手影相打卡？咁就可以去「慈善攝影區」登上被打翻的巨型行李箱影相打卡，只需捐款港幣$10咋！而收益扣除成本後仲會捐畀「香港血癌基金」添～打卡同做善事，一舉兩得！ 而喺尖東一帶，尖沙咀中心及帝國中心，總面積4,000平方米的多媒體幕牆燈飾會播放Disney+ 六大品牌包括迪士尼、彼思、Marvel 、星球大戰、國家地理頻道及Star嘅聖誕燈飾影片，鍾意Frozen嘅朋友一定唔可以錯過！ 日期：即日起至2022年1月1日地點：尖沙咀海港城、尖東海濱長廊3. 「香港繽紛冬日巡禮」聖誕小鎮 20米高巨型聖誕樹鍾意睇《哈爾移動城堡》？依家喺香港都有啦！西九文化區藝術公園海濱草坪變身成為《哈爾移動城堡》中取景的法國東北小鎮，聖誕小鎮中間豎立了20米高嘅巨型聖誕樹🎄！ 周圍更設有唔同嘅聖誕裝置、特別燈光效果同埋現場音樂🎵，真係巧有feel㗎～仲可以順便欣賞埋維港夜景添！ 日期：2021年11月26日至2022年1月2日地點：西九文化區4. 「玩轉大館馬戲季」馬戲演出及親子工作坊一連三個星期，大館有免費馬戲表演欣賞同埋親子藝術工作坊畀大小朋友參加！點擊圖片放大 +2 呢個馬戲季嘅精彩節目包括於8米高空上演的愛情故事《聲空夢奇緣》、加入「香港style」嘅經典聖誕芭蕾舞劇《胡桃夾子》、第三度在大館登場的《釘孤枝熱血大亂鬥》等等。就算無得親身到達大館觀賞馬戲，都仲有馬戲線上看，讓大家利用家中嘅物件學習同埋體驗唔同嘅雜耍技巧！ 另外，大館會舉辦多個以《胡桃夾子》為主題的免費藝術親子工作坊，亦將由平安夜當日至新年兩個周末長假讓大人細路親身參與，創作專屬於自己的聖誕體驗。日期：2021年12月15日至2022年1月2日地點：大館－古蹟及藝術館猜你還喜歡這些內容：【君子樂活】小動物隨處可見～3個地點令小朋友愛上行山！【親子好去處】科學園一日遊【君子樂活】海洋公園夏日優惠套票 抵又正【君子好書】5本繪本，讓孩子成長起來【君子好書】6-12歲是教育黃金期？為你推薦富教育意義的書單【君子升學】打破傳統思維 3款非傳統興趣班【君子養成路】留在家中都可以有親子活動！種植盆栽助個人成長
