在不少飲食專欄,看到了Gudetama x Dim Sum Icon(點心代表)的cross over,急不及待,第一天早早起床,去飲早茶去了~ 點心代表 地址/尖沙咀彌敦道100號The ONE3樓L308號鋪 電話/28851345 營業時間/11am-11pm 不過,雖然網上面,大部份都些11:00開門,但係其實星期六,日係開早D, 10:30架~ 8月15日早上,紅雨警告也無損我們的心情,一定要去朝聖. (其實,我自從係日本看到了蛋黃哥之後,真係好得意架~仲買了很多它的精品~) 早上大約10:15到達,條人龍好長,排到大約30人到...只見餐廳員工在黑暗中收拾餐桌~ 不久,大約10:35就可以入座,餐廳大約有50-60個座位,不過因為天雨的關係,關閉了露天的大枱,所以少了很多能供應的座位. 啲蛋黃哥poster真係好 cutie...hehe 就座啦~幸運地能趕上了第一輪頭圍~你看,多可愛~~~~~~~~~~~~~~~~~~~~~~~~~~~~~~~~~~~~ 看到了咁kawaii的menu,連其他點心也不管了...問我要點那幾樣?當然全部都要點啦! 所謂全部,其實都係得六款,其他三款coming soon in mid-sept~ 全部六樣點晒要盛惠hkd400,食點心不能少了飲茶,開了壺茉莉花甘香茶,茶位每位hkd20,很跨張喎~ 原來本身茶位係hkd10一位,但係hkd20是會送埋蛋黃哥的杯墊,都幾好啵! 第一個上菜的是出名的流沙包...."梳乎蛋流沙包" - hkd49 網上看到短片,看到蛋黃哥喪嘔蛋黃.... 睇下我地可以唧唔唧到~ 我就失敗了,個餡好實,一啲都唔流沙.....哎,唔通這是相機先食的錯~正當我心下納悶...唔係呀化~一咬發覺個餡好少啊~ 本來以為是等得太耐嘅原故,搞到佢唔流...但係隔離枱剛到的流沙包都係唧極都唧唔到流沙....哈哈,仲聽到佢地忍不住投訴添 "嘩,個流沙包都唔流既,大佬!" 可惜的是侍應們大部份是part time的學生哥,一點也不懂customer service,只是沒頭沒腦的支唔以對... "梳乎蛋雜菜沙拉" - hkd59 味道是配上凱撒沙律醬,味道不錯,個蛋就真係一流,蛋味濃郁~ "梳乎蛋蝦漢堡" - hkd59 因為我想食炒飯,所以我skip呢樣...但望到對面個位人兄食得相當有難度,因為隻蛋會一咬啲蛋汁會咇晒出來...但係已分量來講,真係好飽肚,好抵食~ "真真假假流心布丁" - hkd49 呢個擺盤係可愛的,但係味道其實和凍燉奶有點相似,味道一般~又唔抵食. 如果兩種甜品揀一樣,我一定會揀以下呢樣.. "騰騰震奶凍" - hkd39 最抵死的係一路Chok個蛋黃會不停震,我地一路食一路笑~ 但係我想話比大家聽,我個炒飯未到囉~~~我甜品都食完了... 雖然人山人海,但係我真係未食完...冇計~ 等緊的時候,當然要燒錢啦~買下紀念品先...買任何一樣野,再加hkd49就可以換購Gudetama x Dim Sum Icon Tote Bag一個!!!! 在店外,有一個booth有所有tee的display,可以看實物~不過,不能去booth比錢,要番去cashier比錢...哎,我唯有等埋單先啦~ 最後一樣... "梳乎蛋煙肉五穀炒飯" - hkd69 太油了,我好怕食啲好油的野,但係煙肉真係...勁標油...哎... 個感覺好奇怪,又油但個五穀又乾身~ 食物總體來說,不過不失,不過服務真的要加強,員工要好好培訓,每位都只是一為傳菜員,不能解答食客的問題... 話說,我食緊甜品之際,第二輪已經開始就座,但殊不知甜品已沽清了,對!中午左右已沒甜品,隔離枱對男女按捺不住怒火~ 咁快就冇?雖然,我仲食緊我既甜品,不過有點難以置信喎! 玻璃外,就係大枱所在地,但係如果落雨的話,等大枱會等到腳軟... (建議2人同行,貪佢番枱快!!) 買了一件蛋黃tee + tote bag,但係竟然冇晒貨...哎也,咁早都冇?人都顛...~ 你睇個tote bag幾sharp?~ 蛋黃tee,梗係要揀黃色啦~ tips:食頭圍你既怨氣會最低同埋唔怕啲野賣晒~
