好似好耐冇去過旅行,點樣減壓,永遠信奉浸溫泉療法,不用思考,寧靜,遠離繁囂! 哈哈!其實我講咁多都係想宣揚下我多愛溫泉! 一講到溫泉,上次去左有馬,今次我點可以放過別府地獄溫泉呢! (後來先發覺原來別府地獄溫泉是不可浸,一浸我就要落地獄,哈哈!) 但係因為工作的關係,所以啲booking都好last min.... 行程: Day 1 : 香港 -> 福岡 (博多) Day 2 : 福岡 (博多) -> 由布院 Day 3 : 由布院 -> 別府 Day 4 : 別府 -> 福岡 (天神) Day 5 : 福岡 -> 香港 直航去福岡,唔係港龍就香港快運,港龍就早機去早機番,快運就相反....當然呢個情況下,逗留時間其實一樣,當然大約三個鐘的航程,我會以價錢行先,選便宜的快運,瞌一瞌好快就到福岡了! UO636 - 13:05 - 17:20 不過,上到機內,才delay了差不多一個鐘,聽說有人客no show,要off-load 番啲行李~ 等待既時候...看看UO雜誌先.. 影低有著數! 哈哈! 有折頭喎~keep住張相先... 响機上除了看看雜誌解悶外,坐快運當然要買北九州鐵路pass啦! http://www.jrkyushu.co.jp/chinese/krp02.html 因為通常都有折扣(不過要注意匯率,你知啲YEN跌得好勁!)~而有度好處就係可以去到博多站唔使排長龍買票,淨係要劃位~ 福岡機場好細,所以一啲都唔混亂~ 落機係T2,可以搭免費shuttle bus 去T1 既地下鐵福岡空港站轉搭地鐵... 超方便,路牌好清晰~ 去博多,260YEN,好鬼近! 因為delay左一個小時,所以去到博多都已經是晚飯時候了~ 當務之急,要快快去博多駅綠窗口搞掂個預定席先,要認住呢個綠色窗口.... 其實出發前已經知道由布院之森(Yufuin no Mori)呢架觀光火車已經Full晒,你看個牌,真係全交叉~ 雖然,搭唔到由布院之森,唯有搭第二日09:24的火車去由布院啦...五日的行程,有兩日係福岡所以三日的pass啱啱好! 有外國遊客專用的Counter,十分方便~ 寫定晒,咁就好辦啦! 搞掂晒,呢個鐘數,都比較晚,去check-in先~
