各位,曳G早排公務繁忙,去了一轉新加玻biz trip,跟着偉大的父母親又來港探望....又忙到死下死下.....而家先有機會更新~~ ~>_<~ ****************************************************************************************************************************************************************** 揀酒店永遠都係高難度,有時覺得自己應該住便宜些,因為大部份時間都出左去玩,唔多需要住咁貴. 但係有時又會覺得行街行到腳都斷,不如搵間好少少的酒店,幫你recharge 一下? 見好多網友都推介Cross Hotel,我都唔執輸,親身試下,點解有咁多好評~ 地理位置極優越,位於心齋橋 (Shinsaibashi)和道頓崛 (Doutonbori)的中間,入口在御堂筋方向. 季節對的話,可以看見整條街都是銀杏樹,好美~ Shopping 到手軟,可以中途off load 啲戰利品响Cross Hotel先~跟住再搏殺過 (講到好似過大海咁添)哈哈!好似買樓咁,永遠都係location location location,地點好重要!! 其實是一間boutique hotel,有精緻的deco,大堂不大...但服務ok,正常. 房間比想像中大,可能住過東京那些蚊型酒店,呢間好正常!基本的都十分齊全.. 要highlight的是... 個浴室,真係好誇張,大到....真係... 還附有浴鹽,忍唔住浸浴...這個浴缸比一般的大很多呢... 全都是靚的浴室用品,L'occitane!!! 感恩!!! 有電子磅!!!睇係我有冇重到呢... o個晚我訓得好好...真係甜睡~我不停重覆又重覆說道,呢間酒店真係正!! 不過,價錢也越來越貴了,太多人book,如果比Swissotel貴的話/或差不多,不如book Swissotel吧! 始終人家都是大品牌,又近南海難波站! 我book的時候,旺季星期六,一間房連稅不連早餐要大約HKD1800一晚!
