酒店冇包早餐,不打緊,因為之前係超市買左一啲新的杯麵,好想試新野哩!!! 個名好過癮,近畿大學研究所出的杯麵 期待添... 入面同一般的杯麵冇乜分別哩.. 三分鐘啦.... 不過唔好食既...好淡呀,啲料算足不過真係冇味囉~ 唔飽呀,試埋呢個呀,生姜參雞湯...希望唔好再令我失望~ 呢個好好味,姜味濃,香料夠,成碗飲晒呀! 飲完仲要暖笠笠,可以買黎試下啦~ 食完之後,又要check out起程了!!!!我地要去铁人28!!!! 其實,不是我想去的(不是我的年紀啦,哈哈!)不過一場來到,應該要影下個地標吧~ 苦惱了,泊係邊好呀? 如果搭地鐵嘅話,就係新長田站落車,望住個铁人行過去就冇問題了. 開車的話有啲難度,铁人28冇電話號碼架啵...不過原來佢位於若松公園裡面,只要搵到個公園就冇問題了! 比我地係個GPS度搵到個铁人,好鬼死得意! 嘻嘻! 泊係若松公園underground既parking,好平,150円~ 如果你地假日來的話就要早啲啦,點解?因為呢個公園假日戶外會搭好多野做戶外function,一些親子活動架. 如果唔想影到好多攤位的話,要早啲來,都冇多人架! 全靠铁人咋,所以要用特別嘅鏡頭先至把我影到幾高! 哈哈! 好啦好啦,同铁人影左N咁多張多角度之後,我地要前往大阪check in, 入油還車!
