一晚甜睡,我們最晚要10am check out,這一帶的溫泉旅館都係差不多這個時間要 check out,不過最晚的我見過的是11am哩~ 昨天已經book了早飯的時間,便乖乖地唔好賴死係間房lu.. 哈哈~ 不過,因為做左懶訓豬的關係,所以錯過左佢地係08:30的搗年糕的儀式... 唔理lu,訓覺大過天..哈! 訓醒浸完溫泉之後就去蓬萊食早餐了~ 又黎一個誇張的早餐,不過真係好飽土.... 食完過後,好唔捨得咁要check out了~ 因為昨天黎到有馬太晏,所以今日一定要去有馬溫泉街行下先... 所以,寄存了行李,然後再坐佢地嘅專車落山下的溫泉街~ 去到大街,已經有個金泉洗手的地方...... 如果大家唔打算住有馬的溫泉旅館都唔緊要,因為呢度都有收費的金湯浴場,那天很抱歉地銀湯浴場關閉了~ 既然旅館有給我們地圖,所以我地都不太擔心,一於亂咁行下先,反正有馬嘅溫泉街一啲都不大 好多賣手信的店舖,花多眼亂! 好多唔同味的炭酸煎餅~ 仲有栗餅,成個Doraemon豆沙包咁大個! 試食時間! 再行下行下...搵到一間好似係製作炭酸餅的小工廠/店舖~ 忍唔住入去睇下順便嘆暖氣,哈哈! 呢間特別好味,個味就係好似炸左嘅雞蛋仔咁!再準確啲,係好似雞蛋仔個啲脆邊,好香口,又有蛋味~ 買左兩大桶番香港,好快比啲同事清晒,好憤恨無買多啲....我真係好中意食..T_T 除左炭酸餅,仲有炭酸水... 我已經好凍,所以冇買到... 週圍的小店也古色古香~ 沿途太冷,所以要晒下太陽先~~ 成個溫泉街大約可以用1.5-2hour,視乎你買幾多野了~ 因為竹取亭円山留了個聯絡電話,所以我地就係tourist information centre,問個職員幫我地打個電話去叫架專車係tourist info centre黎接我地番去拿行李! 呢一個小鎮,服務真係好好,好窩心...~ 在等待的期間，其實大家都可以係呢個公眾的金湯泡腳哩！ 好熱架～ 好快,我地就要離開有馬前往神戶了~
