Book左間係有馬都幾decent 既溫泉旅館,某旅遊節目都介紹過架,所以,我地唔好浪費時間,快啲開車check in嘆世界!! 從奈良去有馬開車大概一小時四十五分鐘左右,不過好似我咁計埋迷路的話要兩個鐘. 幸好,沿途的風景好美,但係日本的限速好低...公路60km/h! 難以置信! 好想介紹下我選的溫泉旅館, 竹取亭円山 http://www.taketoritei.com/ 〒651-1401 兵庫県神戸市北区有馬町1364-1 / TEL: 078-904-0631 有馬溫泉區有不下數十間溫泉旅館,一search就有選擇恐懼症,定下了心神先,睇下自己想要甚麼~ 其實,以前去日本浸溫泉,都唔知點解住左係洋式臥室,之後認識左日本的朋友,成日比佢啲溫泉旅館相毒害! 佢成功左,我感染了...被毒了...決心揀一間令我最舒適的旅館,心裡在盤算,我要甚麼呢?其實我覺得每人最好的準則都不一樣,所以我要用the process of elimination去選心頭好! 我要(1)一泊兩吃,(2)有私人風呂, (3)有金湯銀湯 好似好簡單,一泊兩吃差不多間間都有,但係私人風呂就未必了... 甚麼叫金湯銀湯呢? 有馬溫泉是日本三大名泉之稱,擁有著名的著名的金湯及銀湯溫泉~ 金泉是含鐵鈉強鹽高溫泉, 而銀泉是二氧化碳炭酸泉,當然有不同的功效! 參考: http://www.arima-onsen.com/chu1/spa.html 找到幾間網上薄有名氣的溫泉旅館,逐一上佢地既官網研究下,原來有啲網頁有詳盡英文解說係好好好重要,至少我不會感到厭煩而放棄! 終於,我比一間叫"竹取亭円山"所吸引,解釋得好詳細,每項收費,例如:一泊兩吃,晚飯可以選神戶牛/懷石料理/鮑魚龍蝦等, 有說明了個plan包甚麼! 網上落booking超易,按幾個制就得,都唔使經過樂天(有時好怕樂天會寄啲我睇唔明既email過來,會困擾到我,哈哈!) 於是便上網訂了一晚有露天私人銀泉湯,一泊兩吃,晚上吃懷石料理! (一人35000円,唔係平,不過第一次就哄自己開心吧!~) 訂了後才想起要secure個parking space,於是在email竹取亭円山,哇,佢地都覆得好快,英文都唔錯!! 經過長途拔涉的車程,終於到了,原來竹取亭円山是在山上的,離車站是有點距離.不過如果大家唔係開車的話都可以在車站打電話比佢地,佢地就會從山上開車落黎接你地,一啲都唔煩! 一check-in,一位非常整潔的日本男服務員立刻把我們帶到偏廳坐下,稍事休息,並奉上了黑豆茶和有馬名產-金泉燒 金泉燒煙煙韌韌的口感,如麻糬一樣,不過唔係甜的,鹹鹹地,如果你地中意食的話,旅館或者整個溫泉街都有得買,仲有得試食添! 男服務員竟然說得一口流利英語,當然還有些口音,不過也很容易明白,態度恭敬有禮,當下把這間旅館加了許多分!!! 他會把旅館所有的一切介紹給我們,首先在確認一下我們訂了是甚麼房間,食懷石料理晚餐,之後他會順道跟我們確認晚膳時間.因為懷石料理一食就要兩個小時,所以不能太晚入座. 還有,這間旅館除了大浴場外,馳名的露天金銀二湯的湯屋,每間房間也可以預約45分鐘露天湯屋~ 很細心的他們還準備了相簿讓我們選擇,間間個design 都不同哩! (photo: http://taketoritei.com/en/bath_type3.php#4) 形狀超過癮的風呂,一個泡金湯,一個泡銀湯,再斟下密計!!!諗起都開心! 好啦好啦,上得房未? hehe 未得呀,服務員繼續介紹我嘅禮物!你睇,全部都係小袋子,係防水架!可以把隨身物品帶到去泡湯!啲料好靚... 女仔真係好易哄,有小禮物,咪住,係實用的小禮物更加開心,正心花怒放之際,佢地可能想我^_______^keep住呢個情緒, 笑逐眼開 又寵壞我了! 連轎都出埋,真係........好好feel,我面皮呢一刻成尺厚! 原來係比女仔坐架,服務員解說道,"竹取亭円山"嘅竹取是指古時的竹取公主,接著便說了由來.因為我掛住扮皇后 (皇后好似型啲喎!),所以 唔好考我個故仔講乜,哈哈! 因為要模仿竹取物語場景般浪漫,所以旅館有個uncle轎夫會把轎子抬去電梯口! 雖然路程40步左右,但我唔怕醜的同大家講,真係好好玩呀!! 呢間旅館一開始就咁impressive,無疑會佔我個blog幾個版面!stay tuned, buddies!
