一早起床,天陰陰灰暗暗仲落埋雨....哎...點算,啲鹿仔會唔會埋唔同我玩架~ 因為酒店冇包早餐,所以我地就去是是但但食早餐,開車去Lawson,我要食關東煮!!!!!!!!!!!!!!!!!!!!!!!!!!! 揀左呢幾樣,嘻嘻! 連埋烏冬!!!!!!!!!!其實,都有啲吉列豬扒包,佢地會將個包叮熱,朋友買左黎食,好似好食過我個味精關東煮喎~ 雨一直下,氣氛不算融洽~~~ sorry,張宇上身....典解要落雨!! 哈,我啲鹿仔呀....等我呀.. 好,就由東大寺開始行...再去奈良公園,之後先食lunch! 東大寺比我想像中大,唔知點解,未去既時候會有錯覺,覺得會唔會同啲鳥居差唔多...之後就發覺自己傻瓜左... 因為係遠遠的售票處已經見到個寺都好巨型!!!!!! 右下角傘下全是日本的初中/高中生,反而遊客多泰國同韓國人哩~ 東大寺 (http://www.todaiji.or.jp/) 入場費: 500円 開放時間: 08:00 - 16:30 (11月-2月)/08:00-17:00 (3月)/07:30-17:30 (4月-9月)/07:30-17:00 (10月) 一入到去大殿,嘩!!!!!! 好莊嚴,雖然裡面好暗,但我真的被個大佛懾着我的心神~ 嘩,呢度搞乜東東? 原來哩個係觸目的景點 "柱洞", 相傳話呢個洞同佛祖個鼻孔一樣大,如果穿得過去,便可以除去衰運保平安! 所以......我要挑戰! 哈哈! 等左幾班中學生之後.... YEAH!成功,大成功!!!!但係真係唔好亂試,好窄....唔好整親! 跟著啲牌就慢慢行去奈良公園.. Believe it or not, 奈良公園都有幾多紅葉哩!! 落雨會凍啲,不過又會少人啲..反正雨都落左,就enjoy下....雨景 紅葉 vs. 銀杏 各有各美.. 行左咁耐,唔多見鹿啵,點搞架...淨係見到個牌! 鹿仔好似帶有攻擊性!係唔係發情期先會咁顛架? 搵到了,佢地好冷靜喎....係到淋雨....唔騷我.... >_< 我明o既...我唔係米飯班主呀嘛...冇計喎,從東大寺行過來都未見到賣鹿餅喎... 終於行到去前門...搵到賣鹿餅既小攤! 150円一包! 恐佈的事情要發生了,唔知點解佢地好惡呀..可能今日下雨,鹿仔冇乜人餵...未餵佢地之前,係咁攻擊我地啲褸袋,背囊啲繩...好誇張,嚇到我叫救命~ 佢地絕對唔係發情!!!係發老脾! 好顛呀,影唔到相...又落雨,啲鹿又惡!~~~~ 變左我地落荒而逃...可憐..要撤退!!!!
