淡季去冰島有一個唔好處,就係要帶好多野...不過本身哩個地方都唔係預左去shopping,只係會象徵式咁去買當地的手信...所以行李都不怕超重! 冰島雖然風景如畫,但係它的天氣和女仔的心情一樣,變幻莫測...一年四季都可以在一日內發生,時晴時陰.今次友人睇左天氣報告說大約十度左右,所以連羽絨都無帶去,以為好多時候會有暖氣,但實情係天氣報告係冇講到風速,當兩樣加埋,就感覺似零下十度,啲風打落塊面到,真係唔係講笑架,所以如果你有帶足以下十樣衣物的話,包你無煩惱呀: 1) 羽絨 (防水防風) 2) 皮手套 (冷手套完全不能擋風,不用十分鐘,對手一樣僵硬) 3) 大圍巾 (可以包兩個人個種,凍起上來,多一層就多一層) 4) 行山鞋/boot(最好係舊鞋,要著得舒服又唔怕整花, 冰島有好多大自然的景色欣賞,一個國家公園都可以行成一兩個鐘,所以一對好鞋可以輕鬆好多架) 5) 厚厚的帽 (乜款都得,最好有耳罩 - ear muff) 6) fleece (最好著多幾層,室內有時啲暖氣都好勁,預備隨時剝 ,但係去到啲鎮仔的時候,可能暖氣唔夠,所以最穩陣的當然係著幾個layers 7) 太陽眼鏡 (落完雨後太陽又會好快出來,陽光一反,嘩,人都癲,尤其是駕車人仕,好危險) 8) 防水褲 (如果你嫌老土,可以放棄,但係好多時落雨的風向係四面八方咁樣撇埋黎,著牛仔褲會黏住對腳,好辛苦!) 9) 多啲襪仔 (盡量唔好慳,每一日就換一對啦,因為真係會勁出汗,或者容易整濕,唔好著完放响個暖爐上弄乾,會臭架,哈哈!着完搵個袋包起佢當烏糟衫,唔好recycle,當然,如果你會晌hostel/hotel洗衫除外) 10) 泳衣/泳褲 (係,我知道是有點精神分裂,但係呢樣先至最緊要!!!!去冰島一定要去blue lagoon - 藍湖去浸溫泉,冇泳衣泳褲點落水呀!!!!) 冰島有好多空曠的地方/景點,大風都連旗幟都吹起,你睇,你看我的裝備幾咁齊全!萬無一失!
