每次long haul嘅旅程,我都盡能力去做到冇十足都有八足的準備. 如果唔係嘅話,有時都會有啲不安全感,成日覺得個旅程會好驚險,可能會stressed out 到甩好多頭髮!成日都諗因為好多地方一世都冇機會回去的,所以,我寧願做多啲功課,都不想浪費一個難得嘅假期! 很多朋友都會問我點解有咁多地方唔去,而會去冰島? 貪得意呀? 因為我細個嘅時候,老豆成日同我講,啲英國佬好古惑㗎 ,風景如畫的地方就叫做冰島 (iceland),凍無可凍嘅格陵蘭就叫(Greenland)! 英文語言的藝術呀,等人地以為冰島乜都冇咁,等o個度冇人有意欲想去,查實就係唔想其他國家去搶它們豐富的資源呀,咁英國人就可以近水樓台先得月啦!!!所以,一直以來都想親身去見識下呢個神秘的國度,驗證一下我冰島係咪真係好靚先(定話老豆先至係鬼話連篇,呵呵!)再加上 (重點來了:自從2008年發生了一個金融危機,冰島既貨幣-冰島克朗（ISK）變相便宜了去多,所以要趁佢復甦前把握機會囉!) 今次一班大學嘅朋友都不約而同想來個自駕遊,而既然要飛去半個地球外,一定要狠狠地來個深度遊吧! 去台灣大家會環島,今次我地都要照辦煮碗,不過難度增加,要在陌生的地方在雪地開車環島!! 香港係冇直航到冰島的首都雷克雅維克 (Reykjavík),所以大部份人包括我在內都是從London再轉iceland air飛過去,因為除左班次密D方便啲之外,stopover係London都有好多野玩哩! (當然,有少部份人會從北歐飛過去,來過極光之旅) 要夾五個人請假,真係少一點耐性也不行,全程用email分工合作,各展所長,好快就決定了九月尾十月頭出發逗留七日,貪佢唔係旺季,唔會太貴,日照也不算短,仲可能有機會碰到北極光添! Book了假期,咁梗係要訂酒店啦! 所以要plan下行車路線先,之後我地便決定逆時針行駛,經過金環(Golden Circle - Þingvellir National Park, Gullfoss waterfall,Geysir and Strokkur) 先,不走回頭路! 後去冰川Vatnajokull or Skaftafell, Vik,最東的鎮Hofn, 再經山路到第二大城市Akurayri,再回Reykjavík. 就這樣吧! photo: Sphinx
