我真係好孤陋寡聞..我真係未聽講過幻之雞翼是甚麼東東...<汗顏中> 話說有一晚,我和朋友都不約而同地因為各自嘅友人生病了而無飯吃,咁啱得咁橋,對方居然想起我,真係同是天涯淪落人呀,就係咁,我地兩個孤兒仔終於有飯開了! 原來友人一早就訂了枱<當然唔係因為我啦~>,點都好啦,他send給我"世界の山ちゃん" 嘅openrice page,其實我都有點一頭霧水,不過,佢話要訂好耐....我當然唔會say no就去試下啦!!!! 地點係尖沙咀,近charlie brown cafe, 要從地面走下地庫,咦,講日文,難道老闆係日本人...(好彩我朋友同我補課,話"世界の山ちゃん"係 名古屋受歡迎到開到成行成市....) 姑且睇下我食完之後,會唔會去名古屋 encore先? 一坐低就留意到個餐牌,就係佢地出名嘅夢幻雞翼..... 當然要點啦,再望望牆身...哇,學下名古屋方言先,嘻嘻! 頭盤,大醬青瓜,食完唔明點解要點,個醬係片皮鴨醬,毫不特別......同埋夢幻雞翼.... 真係要認真試試,利申,我不喜歡食雞翼因為我會食到污糟糟,所以我是drumstick控! 咦,望下點食先! ...雞翼個味好濃! 我覺得偏咸!對我來講,沒有夢幻的感覺! 來一個玉子卷,好香,熱騰騰! 唔使任何醬料...一咬落去,哇,好軟綿綿! D 高湯滲晒出黎,隻蛋又滑...好好味...好入味,呢個要點! 最後黎個味o曾烏冬,本來有D擔心會唔會好咸,因為如果味噌太多會好咸,好怕... 但係想像唔到咁好味喎!烏冬好彈牙,個湯汁好夠濃,配料腐皮最正,平時我唔係好中意食,不過呢個得!~好掂!! 總括來講,配角好食過主角! 我諗左好耐係咪自己個問題,但係連友人都覺得個雞翼真係偏咸的時候...我諗到解決問題的方法就係要叫.... 杯o卑酒!!!!!!!! 應該是這樣配搭才對...(可惜,我不喝.....) 臨走時,店長山哥用日文致謝道別,謝謝你...~
