今天，我和老公談起器官捐贈這個話題。 我跟他說，我想登記成為器官捐贈者，因為即使我生前對社會的貢獻不多，死後大概也可以救人一命。 「妳又唔係聽日死，駛乜咁早登記定啫？」他帶點不耐煩地說。 「咁我驚我遲多幾年唔記得嘛!」我回答。 「妳知唔知道，登記咗做器官捐贈者，妳可能會早啲死。」他一臉認真地說。 我狐疑地望著他，問了一句「點解」。 「既然妳應承咗捐妳啲器官出去，如果有人宜家就需要妳嘅器官，而又知道妳係器官捐贈者；提早了結妳嘅生命咪可以即刻要到妳嘅器官囉！」他一臉很有道理地說。 我登時毛官直豎，一臉惶恐。 「會唔會咁恐怖呀，老公？」我問。 「呢個世界比妳想像中恐怖得多！」他神態自若地說。 「嘩！OK驚囉！」我真心驚愕。 「唔驚，有我喺度嘛！」然後他將我一擁入懷。 不過我仍然覺得OK驚慌…
