踏入十月,天氣開始變涼。 我亦因為乍暖還寒的天氣病倒了。 Leila來我家接了Caine去日間中心後,我便打電話到醫院請假。 接電話的是李爾婷。 「早晨,我係姚楚行。我今日感冒,想請一日病假休息。」 「Kayla? 你想請病假? 但係今日你要幫個VIP做初步評估,全個部門得你夠經驗handle佢。」 電話傳來李爾婷有點擔憂的聲音。 「係喎! 咳咳... 對唔住呀,咳...」 我一邊咳嗽一邊答道。 我心想,其實李爾婷本人都可以接這個VIP的案子,只不過她經常聲稱自己很忙; 而且這個VIP病人第一次來我們醫院,來歷不明,所以她才把這個案子交給我。 「Kayla,你與其喺屋企附近診所睇醫生攞假紙,倒不如返嚟醫院。醫院乜藥都有得你食,又可以順便搞掂個case,一舉兩得。最多下晝俾你放半日!」 李爾婷續道。 我真虧她想得這麼周到! 最後,我頂著攝氏38度的體溫,拖著疲乏的身軀回到醫院。 當我在辦公室換上白袍時,我感到有點頭暈目眩,幸好最後都能夠支撐住。 這次的病人名叫王匡,男,33歲,因為胃抽筋入院。由於他是VIP,所以我這次要上去「天堂」,即頂樓的VIP病房。 甫踏進病房,只見一名大男孩在床上投入地玩著最新的「生化危機」。 我看傻了眼; 這是一個患有嚴重胃抽筋要入醫院的病人嗎? 現在的我比他更適合在病房內休息! 「噢,營養師? 你嚟咗嗱? 好肚餓... 唉呀~ 呢邊又有一隻喪屍... 頂!」 王匡道。 「王先生,我係你嘅營養師,我叫姚楚行。」 「呀咩楚行,總之多肉少菜,叫個好啲嘅廚煮就OK! 」 王匡的眼睛仍然目不轉睛地望著電視螢幕。 「王先生,咁做唔啱規矩... 咳咳... 我要同你做初步評估先可以幫你設計餐單... 咳咳...」 我說。 「嘩! 你咳到咁,好心就抖吓啦! 傳染埋啲病菌俾我呀! 過嚟,我俾啲位你一齊坐,你幫我評估!」 然後王匡便坐到床的一邊,試著騰出床上的空位給我坐在他身邊。 我當然不會坐到他的床上! 即使累到跌倒在地上我也不失專業。 王匡見我還站著動也不動,便"妖"了一聲,一手拉我到床的方向著我坐下。 誰知他的一拉沒有把我拉到床上,反而我失了重心,然後眼前一片漆黑... 當我再張開眼睛的時候,我已在醫院的病床上。 原來剛才我因為發高燒,又缺乏休息,所以暈倒了。 「Kayla,病就唔好返工啦!」 William的同事,何醫生說。 Caine最初出意外時,資深的何醫生也有參與治療工作。 「今日有個VIP case,唔返唔得。」 我答。 「你要記住,你先係自己嘅VIP,所以發咁高燒唔應該返工!」 何醫生說得頗有道理。 其實我今天早上也沒有打算返工,只是李爾婷... 「咩楚行!!!」 突然有一名男子大聲地喚我的名字。 我瞧那男子的聲線看著,見到王匡在病房門外向我揮手。 何醫生一臉鄙視的向王匡瞧去,碎碎唸道: 「嗰個敗家仔原來返咗嚟!」 「你識王匡?」 我問何醫生。 「佢係醫院老闆個姪仔,但係去咗外國好多年。今次肯定又入醫院詐病唔返工!」 我心想: 李爾婷這次真是有眼不識泰山! 如果她知道王匡的身份,我肯定她會接這個案子! 「喂! 咩楚行,你無事嘛?」 王匡問我。 「無事,多謝關心。」 我說。 「醫院有你呢啲咁勤力嘅員工真係好彩! 但你頭先喺我病房暈底嚇到我Biohazard過唔到版... 」 他說。 「唔好意思,連累你過唔到關...」 我無力地向王匡道歉。 「哈哈哈!你真係好有趣! 自己病到咁都仲有心為無聊嘢道歉! 好搞笑!」 王匡笑著說。 接著,王匡行到我的床尾看了看我的病人紀錄。 「原來你姓姚! 姚楚行,我聽日再嚟搵你玩!」 他說。 「我唔希望我聽日仲喺度俾你搵到我!」 我不屑地說。 「你去到邊我都會搵到你! 你欠我過唔到嗰一版Biohazard! 你要陪我打到過到關為止。」 王匡理所當然地說。 「我唔係你想像中咁得閒囉,王先生...」 我被他輕佻的態度惹怒了。 「嘭! 嘭!」 突然病房內傳來兩聲巨響。所有人都瞧聲音源頭望去。 「叫你戒口又唔戒,宜家傷口發炎啦!」 一把熟悉的聲音大聲責罵另一位病人。 原來丘令風正在我斜對面的病床替病人檢查,並把那病人的病歷紀錄大力地敲打在那病床的桌子上。 由於被王匡和何醫生包圍著,我剛才完全沒有察覺到丘令風也在病房內。 「宜家啲醫生對病人態度咁惡劣嘅...有無搞錯!」 王匡藐視著丘令風的行為。 我看到丘令風用眼尾瞧了我一微秒,便轉過頭繼續幫病人檢查。 那是自從赤柱那天後,他第一次看著我。 即使,那只是一微秒。