「Kayla,你上次係咪講過你做營養師㗎?」 William在短訊中問道。 「係呀! 做咗差唔多五年喇! 做乜事?」 「無呀,醫院營養咨詢部請緊臨床營養師,有無興趣試試?」 William的問題來得真合時。 這一年來因為要照顧Caine的關係,工作上很多時侯都要遲到早退。我知道我的上司已對此不甚高興,而且我工作的地點離醫院很遠... 如果在醫院工作的話,不但可以省卻來回醫院的時間,我更可以把多些精力集中到工作上。 畢竟Caine的復健道路很漫長; 面對龐大的醫藥費,我需要一份更穩定的工作。 「我有興趣呀!」 我雀躍地回覆。 「我feel到你打緊呢句回覆嘅時候好興奮!」 William說。 「你隔住個mon都知? 你識讀心㗎? 哈哈哈…」 對於William能夠看穿我的想法,有點興奮。 「係呀! 林保怡係我偶像! 哈哈哈…」 William答道。 「Hahahahahahahahaha... 你連讀心神探都識? 乜醫生唔係要36小時on call咩? 你都有時間追電視劇?」 我笑到差點窒息。 「想追就點都會有辦法追到,我咁鍾意姚·學琛*!」 William說。 (* 「姚學琛」乃林保怡在《讀心神探》中的角色) 「Hahahaha! 姚學琛超好笑,成日都好似先知咁估到晒人哋諗乜! 不過咁又係... 嗰時我喺Boston要上網追劇,就算個internet幾慢,我都好有毅力集集追!」 「唔怪得你宜家咁有毅力照顧你男朋友,原來係當時鍛鍊返嚟。」 「哈哈…或者係啦!」 我苦笑。 William這句話把過度興奮的我帶回現實。 他說這句話之前,我感覺到那個年輕的我回來了。 但興奮不了多久,我又再回到現實。 我曾聽說過,喜歡回憶過去的人是悲觀的。 雖然不想承認自己是一個悲觀的人,但我的確想放低當下的一切煩惱然後逃之夭夭。 中學時代的我,何曾會懷念孩提時代的美好? 對我來說,那幾年大概是最美好的時代。 *** 在William的穿針引線下,我很順利地當上醫院的高級臨床營養師。 當我滿心歡喜地認為自己的生活開始重回正軌,我在第一天上班就被嚇了一跳... 原來李爾婷是這醫院的助理營養主任; 即我的直屬上司。 「Kayla,好耐無見! 歡迎妳!」 李爾婷微笑地握了握我的手,示意歡迎我加入她們的部門。 「李爾婷,好耐無見!」 我衝口而出。 「唔好叫我李爾婷! 呢度唔係中學,所有同事都叫我Brianna!」 她正色地更正我。 同事們即時鴉雀無聲。 「Oh! Sorry... Brianna!」 我尷尬地更正對她的稱呼。 李爾婷在字裡行間都想顯示她的地位和職位比我高。 她要我明白,這裡是她的地盤。 其實我只想老實地工作,有穩定的收入,再努力照顧Caine。 不過,如果上司是討厭我的李爾婷,我註定前途堪虞... *** 如我所料,李爾婷整天都跟我對著幹。 她不但在會議上無視我的聲音; 她更把我做的大部分診斷報告退回,要我重做。 幸好今天Caine不用覆診; 不然一定更手忙腳亂。 當我完成工作後,看一看鐘,原來已經是晚上十一點。 我嘆了一口氣,試著釋出今天的疲勞和鬱結。 突然,電話的短訊鈴聲響起。 「第一日返工感覺如何?」 是William。 「攰到抽筋! 宜家仲喺醫院!」 我答道。 「吓? 呢間醫院營養部出名hea㗎喎! 你可能係史上第一個喺呢個部門OT嘅人!」 William狀甚驚訝。 「唉…你有所不知... 你知唔知邊個係Brianna?」 「知,不過唔熟。」 接著我便把我和李爾婷中學時代的恩怨粗略地告訴William。 「Brianna唔似咁嘅人喎! 估佢唔到!」 William說。 「人不可以貌相呀,年輕人!」 我打趣說。 「好奇一問,最後你同Brianna邊個爭贏咗個男仔?」 William原來很八卦。 「我後來去咗Boston,所以無同到個男仔一齊。不過Brianna好似得償所願,宜家同緊個男仔一齊。」 我記起李爾婷和丘令風在停車場的那一幕。 「吓? 你點知? 」 「我前幾日喺醫院停車場撞到佢哋去攞車。」 「個男仔嚟接Brianna放工?」 William問。 「唔係,個男仔係醫院同事。」 我說。 「吓! 咁啱? 醫生? 護士? 後勤同事?」 William仿如被柯南附體。 「你真係好八卦! 哈哈哈…」 我不想他知道那人是誰。 「點解你當年唔同Brianna鬥? 我覺得你好過佢!」 「哈哈!過獎啦,邢醫生! 我邊會好過佢! 我讀書時期各方面都好普通...」 「Brianna又好好咩? 唔覺囉!"」 William和我原來都有頗多話題。 回到家裡已經差不多凌晨十二時。Caine仍醒著,就好像要等我回家一樣。 我輕輕地吻了Caine的額角一下,跟他說: 「我返嚟啦!」 他一臉懵懂地看著我。 我真的很想向Caine訴說李爾婷今天怎樣把我折磨得半死。 如果沒有發生那場交通意外,Caine現在大概會摟著我說: 「不要緊,我養你!」 但事實上,他現在連我是誰也不大清楚。 我很累,真的很累。