食慣咖哩嘅香港人,今次介紹呢一種可能好多香港人都未食過。發源自北海道札幌嘅湯咖哩,味道偏辣,香料味頗重,食起嚟有種南亞、印度風味~漫步札幌大街小巷,唔難搵到佢。率先為大家介紹一間好抵食嘅湯咖哩店「VOYAGE」! 無論係豬牛羊雞,同湯咖哩都一樣咁夾。最重要嘅係,隨湯附送大量蔬菜!柔軟十足,完全滲透係惹味湯咖哩之中嘅蘿蔔、西蘭花、秋葵、茄子、南瓜、薯仔⋯等等,夠晒有營養~ 揀完主菜,想加配菜一樣得。如果揀普通份量嘅配菜,一樣至少100yen。如果呢樣想要啲,果樣又想要啲,可以揀「迷你版」(日:ちょこっと)。每樣只係50yen。 湯咖哩,最基本就係揀「辣度」。同譚仔一樣,有辣有唔辣~食得辣嘅可揀level2或以上,level3以上就要加錢。多飯少飯都任君選擇,建議各位揀「普通」size,皆因湯咖哩撈飯可令人食欲大增!(正常食量揀「普通」一定夠飽,除非你細食) 餐牌有埋英文版,落單唔驚叫錯餐!下次再介紹第二間湯咖哩俾大家~ 湯咖哩「VOYAGE」ヴォイジュ ・地址:日本北海道札幌市北区北区北22条西5丁目2 北22条西5丁目 第11松井ビル 1F ・官網:http://www.sapporo-voyage.com/sp/ *如果你是日本迷,呢個facebook page不得不睇!鮭,頑張囉!