點擊圖片放大 暑假放完,日本嘅「お盆」(中:日本盂蘭盆會,農曆7月15為中心)又過埋,宜家先提花火大會?會唔會太遲呀!? 唔好嬲住先,好嘢唔怕舊,就算留到出年先睇都一樣咁有用! 諗起日本嘅花火大會,好自然滿腦子都係粉紅色嘅幻想──花火大會的「デート」(中:約會),他小心翼翼地拉着住浴衣的她,一起釣水球、玩射槍遊戲。然後就在花火升上半空一刻,兩個頭靠在一起……>///< 嗚呀!中日劇毒太深了!!! 雖然現實還現實,但一嘗日劇的浪漫唔係無可能嘅 ……只要你做足功課!想好似日劇男女主角咁,又釣水球又睇煙花,就要留意: 花火大會唔一定必有小攤檔!!! 花火大會款式多 任君選擇 1. 齋睇煙花 都可以好開心 不少花火大會主要在公園、廣場等大型空地舉行,如在札幌市舉行的「道新•UHB花火大會」。亦有部分花火大會係沙灘舉行,如「留萌海岸花火」(見下圖)。 留萌海岸花火(位處海灘露營場邊) 浪漫程度:***** 抵讚位:花火沿海平線徐徐升起,深沉的暮藍色底下,隱約透出夕陽餘暉, 更加有夏日風味~坐在沙灘上,燒住嘢食,飲啖啤酒,人生一大享受呀! 2.睇住煙花 嘆「屋台」小食 又有煙花放,又有「屋台」(中:攤檔),呢種花火大會係日本都好常見,例如比較大型的真駒內花火大會(地點:札幌市南區真駒內公園)。 一般嚟講,大會多數係19:30~21:00放煙花。早入場,可以先係攤檔享受地道「屋台」風味,食完再釣個水球,影下相,然後慢慢等睇煙花。因為一開始放煙花,大部份攤檔都會收檔休息囉。要去趁早呢! 3. 只有跳舞+攤檔嘅「祭典」 踏入日本嘅「お盆」,各地都會舉行「お盆踊り」(中:盂蘭盆會舞)。除咗坐定定睇跳舞表演,普通人都可以加入舞蹈大隊,齊齊跳舞,氣氛相當熱鬧。有些「お盆踊り」更會加入cosplay元素,個個參加者都扮鬼扮馬,非常好玩。 你不可不知的花火大會備忘錄 i. 買返本jalan旁身 旅遊情報即時到手 睇完上文,大家都知花火大會有好多種。換言之,有啲花火大會無攤檔賣小食、飲品、釣水球~唔想搞錯撲個空、失望而回,可以買返本jalan(日本旅遊雜誌 じゃらん)! 日本旅遊雜誌「じゃらん北海道」360yen,每月20號出版 以2016今年為例,7月號jalan北海道就有齊北海道各地舉行嘅花火大會,全部按日子順排,其中較出名、大型嘅更有詳細介紹添!包括花火大會各大小情報,例如有無攤檔,會發幾多發煙花等等~日本其他地區如關東、關西等地,都可以買返當地的jalan。唔係日本國內,買唔到jalan嘅話,都唔洗擔心。因為網絡是萬能的!想知道詳細嘅日子、地點,可以係http://hanabi.walkerplus.com/ 網頁瀏覽。 ii.花火大會指定dresscode--靚靚浴衣 同小情人去又好,三兩個知己好友,一大班女生去又好,一樣可以好似日本女生一樣着浴衣去花火大會。不過,由於會場距離車站較遠,而且天氣多數較熱,人又多,着浴衣去嘅女生們,記得要帶定扇、補妝用品啦!