早排行山仲係好熱好熱🥵，點知依幾日凍到得翻1X度🥶啲長袖衫同褸都未準備得切，就忽然間凍咗咁多...不過都好嘅，至少行山同練跑都冇咁辛苦...講起辛苦，作為男士，我啲皮膚由細到大都會因為轉季搞到又乾又粗糙🫣，大力啲洗面都想甩皮咁...唔止呀！毛孔都大埋，皺紋都開始明顯...我都知時間係皮膚最大嘅敵人，再唔理啲皮膚就愈來愈差🤯，我收集咗好多貪靚朋友意見，發現原來男士要美容護膚，都真係要講求策略，同大家分享點樣轉季保養皮膚：基礎護膚步驟唔可以忽略❗建議首選用洗面奶，最好揀啲溫和又保濕嘅，避免用一啲清潔成分太高嘅洗面奶，因為咁會洗走肌膚天然油脂，令皮膚乾燥更加嚴重。再揀一啲含有甘油或者玻尿酸嘅洗面奶，呢啲成分可以幫助肌膚保持水分💧。清潔完之後，記得用爽膚水，幫助肌膚補水同時收縮毛孔。記得揀啲有植物成分或者鎮靜效果嘅爽膚水，可以舒緩肌膚添，兼且減少外界對皮膚嘅刺激。而且爽膚水入面嘅保濕成分可以為下一步護膚打好基礎👍。然後就係精華液，呢一步對提升肌膚鎖水同改善毛孔超重要(本身男士比起女士更容易有毛孔粗大問題)。建議選擇含有維他命C、透明質酸或者抗老成分嘅精華。維他命C可以提亮膚色✨，淡化皺紋，透明質酸就係一個好嘅保濕成分，可以深入滋潤肌膚，畀皮膚更加平滑緊緻。最後，面霜就唔好忽視啦！喺秋冬❄️最好用啲厚重啲嘅面霜，提供更強嘅鎖水效果。含油脂成分嘅面霜可以喺肌膚表面形成保護膜，防止水分流失，仲可以選擇含有抗老成分嘅產品，幫你減淡皺紋同幼紋。除咗以上嘅護膚步驟，日常生活中保持良好作息同飲食都好重要。多飲水💦，增加啲水果🍎同蔬菜🥬，對改善肌膚狀態有幫助。仲有適當運動🏃🏻♂️同充足睡眠😴都可以促進肌膚自我修復，令肌膚更加健康有光澤。總之，秋冬季節男士美容護膚唔應該被忽略。揀啱適合嘅護膚步驟同良好生活習慣，可以有效提升肌膚鎖水能力，改善毛孔同皺紋問題，苛咁就算肌膚喺寒冷季節都保持水潤亮澤喇💪。#男士美容 #男士護膚 #男士facial #毛孔粗大
