終於完婚啦！！✿✿ヽ(°▽°)ノ✿前前後後籌備咗成年，而家諗返轉頭都覺得辛苦，不過最後婚禮都好開心好圓滿~今次就黎分享下一間非常抵讚既租金器鋪頭，等各位B2B可以參考下。點解我會話佢抵讚？原因就有三個既，一個就係佢地既金器款多，傳統d、新潮d既金器款式都有，而且全部金器都係全新，比起租二手金器既價錢唔算話貴得好多。 再黎就係因為我地其實係有改到婚期，大家都知呢1、2年結婚真係好唔容易，郁下就會俾疫情搞到要改期，咁我地都好不幸咁要改期，當中有d訂金係退唔返... 但租金器呢度就肯俾我地免費改期，呢樣我真係覺得好感激！最後一樣就係關於還金器既...點擊圖片放大 有經歷過big day既姊妹應該都知果日真係會好趕，加上姊妹又唔係好熟識點戴同點除d金器，行黎行去難免又有d碰撞，結果就變到咁啦... 我最後點數個陣都有種慘不忍睹既感覺... 個豬牌就還好，只係個鼻有小小刮花，唔知大家睇唔睇得出。講真呀，雖然租金器之前店員已經同我地講左唔洗擔心整花整壞d金器，因為佢地收返d金器都會拎去鎔再重造，係唔洗賠錢既，但我同老公去還金器個陣都有d擔心，因為真係用到變晒形，同埋都覺得好唔好意思。結果還金器成個過程好快手，店員淨係拎d金器去秤重量，重量啱數就OK，即時退還押金，一分錢都冇要我地賠，仲話d金器用到花左，變晒形呢d好平常，我同老公真係當堂鬆咗一口氣...我估呢樣都係大家考慮租金器比較concern既問題，依家我就真人實測咗啦，係唔駛賠既，大家租既話都可以放心~~~~~~~~~~~~~~~~~~~~~~~~~~~~~~~~~~~~~~~~店名：千金電話：6723 1170地址：尖沙咀諾士佛臺冠福中心7樓4B室PS. 如果想上去睇款可以經佢地WhatsApp預約~個人建議第一次去可以帶埋屋企人幫下眼揀款，因為真係好多款式，多個人比意見做決定都會容易d。我當初就係冇咁做，第二次上去先決定到租咩款 XD
