嚟到懶人包最後一part，講埋滙豐Red Mastercard同Visa Signature嘅比較。由於滙豐嘅「獎賞錢」積分制度，兩張卡都可以分別用做現金回贈又或者儲飛行里數卡。其中兩張卡都可以用幾低嘅比率兌到里數，Red Mastercard更加係好易申請，而不過Visa Signature就較難申請到喇。睇睇以下2張信用卡嘅資料啦！ Red Mastercard Red Mastercard特點係網購有成4%回贈，獎賞錢換做兌里數都好抵。加上無上限現金回贈同埋申請門檻較低，呢張新出嘅Mastercard的確係幾吸引！ 年薪要求：HKD$120,000 年費：永久豁免年費 可換里數種類：Asia Miles、Avios、KrisFlyer 獎賞錢回贈比率：網購簽賬（本地或海外）4%、本地超市簽賬 2%、其他本地及海外簽賬 1%、八達通自動增值及ebanking網上繳費 0.4%（PayMe冇回贈！） 里數兌換比率：網購簽賬（本地或海外）HKD$2.5/1里、本地超市簽賬 HKD$10/1里、其他本地及海外簽賬HKD$10/1里、八達通自動增值及ebanking網上繳費 HKD$25/1里（PayMe冇回贈！） 迎新優惠：首60日合資格簽賬*累積簽賬達 HKD$8,000，全新客戶最高可獲HKD$800獎賞錢、現有客戶最高可獲HKD$300獎賞錢 里數兌換需時：Asia Miles 即時、Avios/KrisFlyer約兩星期 Visa Signature/Platinum Card Visa Signature/Platinum Card有滙豐嘅最紅自主獎賞，食正佢優惠可以用超抵比率兌里數！不過Visa Signature門檻比較高，如果年薪或者資產唔夠都可以申請Platinum Card，優惠都抵。 年薪要求：HKD$360,000或有HKD$400,000資產（Visa Signature）、HKD$150,000（Platinum Card） 年費：頭兩年免年費，其後每年年費HKD$2,000（Visa Signature）、HKD$1,800（Visa Platinum） 可換里數種類：Asia Miles、Avios、KrisFlyer 里數最低兌換比率（最紅自主獎賞*5X）： Visa Signature Card 網購簽賬（本地）HKD$1.79/1里、其他本地簽賬 HKD$2.78/1里、海外簽賬HKD$1.79/1里、網上繳費 HKD$25/1里（PayMe同樣冇回贈！） Visa Platinum Card 網購簽賬（本地）HKD$2.27/1里、其他本地簽賬 HKD$4.17/1里、海外簽賬HKD$2.27/1里、網上繳費 HKD$25/1里（PayMe同樣冇回贈！） 迎新優惠：首60日合資格簽賬*累積簽賬達 HKD$8,000，全新客戶最高可獲HKD$900獎賞錢、現有客戶最高可獲HKD$300獎賞錢，另外可額外獲享HKD$100獎賞錢賞付款獎賞，只要： - 未曾於 2019 年 9 月 1 日至 2020 年 3 月 3 日期間登入滙豐 Reward+應用程式 - 經滙豐 Reward+應用程式內的「賞付款」功能，成功以「獎賞錢」繳付合資格信用卡的信用卡結單或其合資格交易 合共HKD$1,000迎新獎賞 里數兌換需時：Asia Miles 即時、Avios/KrisFlyer約兩星期 滙豐獎賞錢 滙豐碌卡儲到嘅積分係用獎賞錢計算，一般計法碌HKD$250就有1蚊獎賞錢，1蚊獎賞錢就可換10 Asia Miles飛行里數（或15 Avios/KrisFlyer里數）。不過滙豐Visa有最紅自主獎賞，即係可以最多獲得額外5倍嘅獎賞錢。大家可以喺滋味、玩樂、世界、品味、中華、家居6個種類分配，如果想張卡碌食肆多，又中佢就可以擺晒5倍(5X)喺滋味類別，咁就可以碌卡果陣獲得額外5倍(5X)獎賞，例如（以換Asia Miles為例）： 如果用Visa Signature卡食肆簽帳HKD$3,000， - HKD$3,000 = 12元獎賞錢 - 5X賞滋味最紅自主獎賞 =12x5 = 60元獎賞錢 - 總共賺：12 + 60 = 72元獎賞錢（可兌720 Asia Miles飛行里數） - 變相3000/720 = HKD$4.17/1里 如果用Red Mastercard網購簽賬HKD$3,000， - HKD$3,000 x 4%獎賞錢回贈 = 120元獎賞錢 - 120元獎賞錢可兌1200 Asia Miles飛行里數 - 變相3000/1200 = HKD$2.5/1里 5月18日更新：兌里數唔使收手續費！ 所以如果識玩嘅話真係可以極速儲里數，仲可以不時享有滙豐推出嘅獨有優惠！另外透過滙豐Rewards+用獎賞錢兌換里數啱啱仲免咗手續費，無論換Asia Miles、Avios或KrisFlyer都係免費！只要喺滙豐Rewards+同飛行里數戶口連結一次就可以隨時用獎賞錢換飛行里數！5月19~6月21日期間兌Asia Miles仲有額外10%里數送，真係幾吸引！ 著數獵人呢篇懶人包就同大家比較現金回贈 vs. 飛行里數信用卡嘅選擇。相信大家睇完都會清楚想要邊一款信用卡。咁就事不宜遲去申請，如果唔係迎新可能隨時就冇！記得大家按自己經濟能力碌卡，唔好爭落周身卡數，搞到自己負債累累呀！
