天氣終於都轉涼啦，心情都舒暢點， 之但係天氣涼就會令人懶，成日都想訓覺， 煮飯就更懶，於是打開雪櫃求其拎包蝦仁， 就煮咗呢個闊條麵出嚟，估唔到賣相同味道都唔錯呀。 忌廉蒜香蝦闊條麵 食譜 材料：蝦仁1包、蒜蓉2湯匙、車厘茄4隻(切半)、闊條麵200g、忌廉150ml、 牛奶50ml、車打芝士片1塊、鹽1茶匙、橄欖油適量、黑椒適量、番茜適量 1. 蝦仁抹乾水份後，撒上少許鹽醃10分鐘。 2. 闊條麵放入滾水中煮8分鐘，盛起備用。 3. 燒熱油，蝦仁以中火煎熟，倒入黑椒、蒜蓉及車厘茄炒熟。 4. 倒入忌廉、牛奶煮滾後，放入芝士片煮溶。 5. 待醬汁變濃時加鹽調味，再倒入闊條麵拌勻後上碟，最後撒上番茜即可。 ---------------------------------------------------------------------- **更多簡易食譜、小菜苗與菜蜜妹妹生活日誌** ↓歡迎 Follow and like ↓ Facebook：芙芙little kitchen IG: fufu_littlekitchen ----------------------------------------------------------------------- 我好鍾意煮忌廉汁時會加芝士，多陣咸香又濃郁嘅味道。 呢個闊條麵真係非常易整，步驟都唔多，大家都可以試下呀。
