泰式鳳爪係每次喺泰國餐廳必叫嘅菜式，家下少出街食，自己整都好易，而且酸味甜味都可以自己調節，仲可以放喺雪櫃慢慢食添，因為芙媽唔食得辣，今次冇落到指天椒。 泰式酸甜鳳爪材料：無骨鳳爪1磅、溫室青瓜1條、紫洋蔥半個、檸檬片4片、米酒1湯匙醬汁：泰式甜辣醬5湯匙、檸檬汁2.5湯匙、魚露2湯匙、蒜蓉2湯匙1. 無骨鳳爪放滾水中，加入米酒煮10分鐘後盛起沖水，再放入冰水中過冷河。2. 紫洋蔥切絲浸冰水備用；醬汁混合好備用。3. 青瓜洗淨後切薄片，以鹽醃5分鐘後過水，用手揸乾青瓜水份備用。4. 取出鳳爪後抹乾，把醬汁及所有材料拌勻後，放入雪櫃中雪2小時即可。=== === === === === === === === ===歡迎訂閱及讚好 芙芙little kitchen：Facebook: www.facebook.com/fulittlekitchenIG: www.instagram.com/fufu_littlekitchen=== === === === === === === === ===如果用雞腳而非無骨鳳爪，可煮熟後直接浸住冰水，放入雪櫃雪一晚，浸了一晚凍水的雞腳會變得脤卜卜及爽口。 青瓜用鹽醃過出咗水，用手揸走水份，就唔怕之後先出水稀釋咗汁料啦。 醬汁味道可以自行調教，想酸啲可以加多點檸檬汁，想辣點就加指天椒。 將食材預備好，醬汁混合好，撈混佢雪凍就可以食啦。 通常等待雪凍時我就會偷食，到食飯時已經冇咗一半啦，哈哈哈哈。
