平時煮菜膽雞，偷懶時可以落清雞湯，煮熟隻雞滾幾滾就得，又快又夠味，但而家為咗一家人健康著想，就會自己煲上湯，煲一煲起碼要1.5小時，又要睇火，每次一諗到咁就會索性唔煮呢道菜。不過我終於可以自製上湯同時偷懶啦，前排入手嘅美的蒸焗爐有3個蒸煮模式（快蒸、慢蒸、純蒸），慢蒸主要用嚟燉湯，所以時間嘅長度好寬，最耐可以揀5小時添，今日就用慢蒸嚟取代明火煮上湯，真係好方便，唔駛睇火又可以燉出雞嘅精華，加兩粒瑤柱已經好鮮甜啦。 上湯菜膽雞 食譜材料：雞1隻、小棠菜5棵、瑤柱2粒、薑片4片、鹽適量、米酒1湯匙、水適量1. 雞洗淨後抹上鹽及米酒，醃2小時後取出再洗走鹽份。2. 將雞隻及薑片放入滾水中煮5分鐘，汆水備用。3. 小棠菜洗淨後切半備用；瑤柱浸軟備用。4. 將浸瑤柱的水、瑤柱及雞隻放入鍋中，再加適量開水至沒過雞隻。5. 放入蒸焗爐中，利用慢蒸模式100度燉1小時30分鐘。6. 慢蒸完成後，將小棠菜放到雞湯中，再以100度慢蒸10分鐘，最後加適量鹽調味即可。=== === === === === === === === ===歡迎訂閱及讚好 芙芙little kitchen：Facebook: www.facebook.com/fulittlekitchenIG: www.instagram.com/fufu_littlekitchen=== === === === === === === === === 雞隻汆水後，放到蒸焗爐中慢蒸，除咗瑤柱，其實仲可以加紅棗、冬菇等嘅材料，燉出更足料嘅上湯架。 顯示器一過59:59分鐘，數字旁嘅M字就會變成H字，意思係由分鐘轉為小時計算。 將菜放落燉好嘅雞湯再蒸10分鐘，蒸完岩岩好唔會過老。 燉出嚟嘅雞湯非常清甜，雞肉亦好嫩滑，我哋仲留起咗部份湯同雞肉，第二日下午煮成雞絲湯麵添。
