芙芙真係好喜歡食牛仔骨，通常用鹽同黑椒醃完煎好就食，但最近真係好掛住大排檔嘅蜜椒牛柳粒，屋企牛柳粒又食哂，咁岩之前網購咗牛仔骨，就試下用牛仔骨代替，唔駛油炸薯仔，直接用氣炸鍋烹調整道菜，味道同出面食都好相近，非常非常惹味呀！ 蜜椒牛仔骨材料：牛仔骨3條、薯仔2隻、橄欖油1.5湯匙、鹽0.5茶匙，蜜糖2湯匙醃料：生抽2湯匙、老抽1茶匙、糖1茶匙、蒜頭8粒(切蓉)、黑椒2湯匙、橄欖油1湯匙、生粉2茶匙1. 牛仔骨根據骨位切塊，以醃料醃2小時。2. 薯仔去皮後切粒，浸水15分鐘後抹乾水份，倒入橄欖油及鹽拌勻。3. 預熱氣炸鍋180度，放入薯粒以180度氣炸20分鐘，中途翻拌一次，見表面乾身有點金黃即可盛起。4. 牛仔骨以200度氣炸8-10分鐘，中途翻一次面。5. 將薯仔粒、牛仔骨與蜜糖拌勻，再以200度氣炸3分鐘即可。=== === === === === === === === ===歡迎訂閱及讚好 芙芙little kitchen：Facebook: www.facebook.com/fulittlekitchenIG: www.instagram.com/fufu_littlekitchen=== === === === === === === === === 3塊牛仔骨就煮到3至4個人份量啦，今次嘅牛仔骨都幾靚仔，唔會太多筋位，油脂都幾平均呀。 我就早一晚醃定第二日煮，如果即日醃2小時都差不多。 氣炸薯仔之前，將薯仔浸過水去除多餘澱粉，然後抹乾水份再氣炸，就好輕易炸出乾身皮脆嘅薯仔，氣炸薯條同薯角都可以架。 牛仔骨較薄身比較快熟，氣炸大約10分鐘就夠啦。 加完蜜糖拌勻再氣炸一陣，就完成啦。 以前一諗起要用油炸薯仔就唔想煮，而家有氣烤鍋就方便得多，話咁快就完成呢道惹味小菜啦。
