芙芙身邊有位做西廚嘅好朋友，佢話要做白汁其實非常容易，牛油+麵粉+牛奶就完成，有時我都會煮白汁長通粉俾菜苗食，最近喺unijoy網購嘅凍肉太多，諗諗下不如用急凍雞扒煮個奶油燉菜，一次過煮一大窩，晚飯、帶飯、第二日午餐都食佢，奶油燉菜個汁係無得輸，超好送飯，講真食幾餐又真係唔厭喎。 奶油燉菜 食譜材料：急凍雞扒2塊、西蘭花半個、甘筍1條、薯仔1隻、紫洋蔥半個、水500ml、鹽及黑椒適量、雞粉0.5茶匙白醬材料：牛油25g、麵粉25g、牛奶300ml製作白醬步驟：1. 小火把牛油煮溶，倒入麵粉炒成麵糊。2. 倒入牛奶中火煮滾，途中不停攪拌，煮至醬汁變濃厚後盛起備用。燉煮步驟：1. 急凍雞扒解凍後洗淨，抹乾水份後切成一口大小，以鹽及胡椒粉醃1小時備用。2. 紫洋蔥去皮切絲，薯仔去皮切粒，甘筍去皮滾切備用。3. 西蘭花去梗再切成小棵後洗淨，放入滾水中汆燙3分鐘後盛起備用。3. 燒熱油，中火將雞塊煎熟後盛起。4. 於同一鑊中放入洋蔥小火炒軟，倒入薯仔、甘筍炒至半熟。5. 倒入水大火煲滾後，加入白醬轉中火煲滾，再倒入雞塊拌勻。6. 中火慢慢燉煮至白汁變濃，途中需不斷攪拌。7. 待醬汁變成適當濃度時，倒入西蘭花煮3分鐘，再加雞粉調味即可。📺影片食譜：https://youtu.be/4l2qsklE9w4=== === === === === === === === ===歡迎訂閱及讚好 芙芙little kitchen：Facebook: www.facebook.com/fulittlekitchenIG: www.instagram.com/fufu_littlekitchen=== === === === === === === === ===今次材料非常豐富，有菜又有肉。 西蘭花要先汆燙，防止最後放入燉煮時出水。 白醬其實好易煮，慢慢煮到超濃郁，燉煮時加入蔬菜湯入面，再煮到變奶油汁。點擊圖片放大 見到薯仔邊位置透明，就開始半熟。 燉煮先係最花時間，因為一次過煮一大窩，要煮耐少少汁料先收杰。 奶油汁煮成流動狀態，沾起時見到一滴滴流下嘅狀態就夠，待涼後奶油汁會再杰身一點。 記得一定要攪拌，唔係會好易黏底。 奶油汁香濃美味，大人小朋友都會吃不停，簡直就是米飯大敵，送飯一流，撒些芝士再加飯底/意粉，還可變成美味焗飯/焗意粉呢。
