疫情爆發第三波之後，芙芙連外賣都唔敢食啦，實行盡量都食屋企飯，返工就帶飯，在家休息都一定自己煮，有時仲有芙爸芙媽嘅愛心餸，咁就可以煮少啲。屋企最近最多就係凍肉，牛柳粒都係切備之一，簡簡單單加啲蒜片煎煮，都夠哂好味啦。 蒜香牛柳粒 食譜材料: 牛柳粒半磅、蒜頭6粒(切片)、黑椒適量醃料：豉油1.5湯匙、糖0.5湯匙、油1湯匙1. 牛柳粒解凍後，抹乾水份後以醃料醃1小時。2. 燒熱油，倒入牛柳粒大火煎至半熟時，倒入蒜片同煎。3. 待牛柳粒煎熟後，加入適量黑椒炒勻即可。**蒜片要不斷攪拌，否則很快變燶** === === === === === === === === ===歡迎訂閱及讚好 芙芙little kitchen：Facebook: www.facebook.com/fulittlekitchenIG: www.instagram.com/fufulittlekitchen=== === === === === === === === === 因為貪快嘅關係，將蒜片同牛柳粒一齊煎，同時令牛柳粒沾到蒜油會更香。 當牛柳粒差不多時，若蒜片仲未夠乾身，可以盛起牛柳粒，慢慢煎乾蒜片。 用嚟送飯又得，當小食亦得，真係好好味架。
