因為救生艇計劃出現，身邊的確多咗好多香港嘅朋友移民加拿大。 自2016年我哋嚟多倫多經IEC 嚟working holiday 之後就一路定居多倫多，2017年申請Express Entry做PR，直到今年2022年5月終於成功入籍成為加拿大人，走完呢條移民路，終於唔駛再煩點填果堆移民表！ 我知道有好多朋友都好似我哋咁唔搵移民中介DIY搞移民，無論你走嘅係咩移民途徑，我相信呢啲貼士都會幫到你。1. 克服對英文嘅恐懼大家都知道加拿大嘅官方語言係英文同法文兩種，所以絕大多數嘅政府官方網頁都係用呢兩種語言。所以大家移民嚟加拿大之前，一定要開始習慣聽講讀寫英文。起初要睇一大段英文字嘅申請表格真係要時間適應，不過填得多次其餘填嘅資料都差唔多，而且加拿大政府網頁都有指引教你點填表。加拿大政府移民部網頁：https://www.canada.ca/en/services/immigration-citizenship.html2. 搵人幫手檢查第一次填咁大堆表格真係會好迷失，心情緊張又煩躁，所以如果遇到唔肯定嘅地方記得去移民Group向谷友求救，問問意見。填好表格亦最好搵值得信任親友或另一半幫手睇睇有無填錯、填漏、交漏文件。每個移民個案都會有case agent 去幫手處理，如果申請甩漏太多，申請時間會延長之餘，case agent亦會對申請人留下唔好嘅印象，所以小心啲好。3. 留意email無論你走咩移民途徑，一定要定時定後check email 或者你嘅GCKey account。如果唔係一錯過咗任何更新就可能會導致你遲交文件！4. 留意deadline每一個申請程序都會有唔同嘅deadline，所以一收到移民局update之後就應該馬上著手準備文件。尤其是申請銀行信（入息證明）、僱主信（工作證明）、良民證都可能需要長啲時間。5. 申請時間當你遞交齊所有文件，而移民局又接納咗你嘅申請後，Check Processing Times 呢個小工具非常有用。你可以按你嘅申請類別去睇返移民局要需時幾耐去完成呢個申請，當然如果中間有資料要補交，可能就要更長時間。Check Processing Times 工具：https://www.canada.ca/en/immigration-refugees-citizenship/services/application/check-processing-times.html6. 與移民局聯絡通常Express Entry / Family Sponsorship 都會有專屬嘅電郵地址可以直接contact 到移民局，如果有嘅都會寫喺發俾申請人嘅信件上面。但如果無，你都可以利用IRCC Web Form 去主動聯絡移民局。用嚟查詢申請情況，補交資料都好有用。記得要填妥UCI 同Application Number，如果唔係 case agent 就連繫唔到你個查詢去返你個申請個案。IRCC Web Form：https://secure.cic.gc.ca/enquiries-renseignements/canada-case-cas-eng.aspx7. Letter of Explanation 的重要性如果移民局未能按移民局要求要提文某啲文件，或者要遲交，你都可以通過Web Form 去解釋點解交唔到。例如香港良民證CNCC申請後係唔會交到去申請人嘅手，會由警局直接寄去加拿大駐香港總領事館。呢個情況你就需要寫封解釋信俾移民局，證明你已申請良民證，出示申請收據，講明良民證會寄去加拿大駐香港總領事館。8. 良民證 - 詳情留意之前嘅post 申請完良民證之後原來唔係咩都唔駛做，最緊要搵返加拿大駐香港總領事館跟進先可以link返你個良民證落你個申請個案！詳情睇睇我之前嘅post：https://www.facebook.com/fromhkgtoyyz/photos/a.355505222047178/1025579455039748/9. 記錄外遊時間 當你成為Permanent Resident (PR，永久居民）後或申請成為Citizen （公民）都要記錄你嘅境外旅遊嘅日子，因為無論係續領PR卡定申請Citizenship都會用到呢啲資料。如果passport 無印就一定要保存機票（e.g.港人返香港嘅機票）！加拿大PR 每5年內最少要留 730 days （即累計兩年），而Citizenship 申請就可以喺5年內住滿最少1,095日 (即累計3 years)就可以申請。少少心得希望幫到大家！歡迎大家share俾身邊嘅同路人！加油！想繼續接收加拿大多倫多實用生活資訊就要繼續follow【90後加拿大移民記】 Instagram/Facebook: fromhkgtoyyz要了解更多我生活嘅大小事，就follow【29+1媽媽】啦～ Instagram/Facebook: 29plus1mama
