我哋兩個最近終於正式成為加拿大人，宣咗誓完成入籍手續，申請埋護照，移民之路正式完滿結束！（好嘢~終於再唔駛填表，坐移民監啦） 今次想分享一下申請護照嘅經驗俾大家知。講到攻略咁誇張係最近有好多人都趕住申請護照，趁住夏天、疫情好轉就有出遊打算。正因為一下子太多人申請護照，就令到有關部門應接不暇，令正常申請護照嘅處理時間延長咗好多，亦有好多人喺護照中心門外大排長龍，由凌晨4點開始排隊。有意申請加拿大護照嘅朋友，最好留意一下以下幾點：1. 護照申請服務有分Urgent (2個工作天或以內需取得護照）、Express (3-25個工作天內需取得護照）或Regular / Standard(26個工作天或以上需取得護照）三種，每一種服務要去嘅辦證中心都唔一樣，所以要喺網上睇清楚要去邊個地點辦證。如果你去錯咗，保安哥哥會請你離開叫你去返適合你嘅辦證中心。詳情請睇：https://ircc.canada.ca/english/passport/map/map.asp?po=1...2. Urgent 同 Express 會喺短時間內保證收到護照，除咗要俾額外嘅費用，申請時仲要證明你喺短時間內會出遊先符合申請資格。所以，申請果陣要帶埋機票/車票，或者解釋點解要旅遊嘅解釋信。3. 身邊有好多郵寄申請嘅朋友都話申請咗兩個幾月都未有消息，所以有好多人都會寧願去Service Canada親身排隊申請，然後親身去領證。唔想排咁耐嘅話，唯有就開車去遠啲嘅Service Canada 申請。我哋就開咗車去Hamilton 嘅Service Canada 申請護照（Express)，上午9點到排隊，交完表11點走得。4. 記得填好表，帶齊所需證件，影好相，簽齊名先出發！想平影證件相，Walmart $9.97就有兩張證件相啦。申請詳情：https://www.canada.ca/.../new-adult.../apply-how.html...5 查詢護照申請處理時間：https://www.canada.ca/.../canadian.../processing-times.html想繼續接收加拿大多倫多實用生活資訊就要繼續follow【90後加拿大移民記】Instagram/Facebook: fromhkgtoyyz要了解更多我生活嘅大小事，就follow【29+1媽媽】Instagram/Facebook: 29plus1mama
