話咁快我哋就喺多倫多生活咗5年。由working holiday起計，到成為PR，再申請Citizenship，雖然要經過好多繁複嘅申請手續，但最後好在都算自己搞得掂，都算係一個小成就。我哋兩口子剛剛完成咗入籍試，申請嘅程序唔多講，如果大家想知道申請程序就留言講我知啦。但想提提大家重要嘅一點，就係：考入籍真係唔可以靠睇雞・精・書！話說我哋當年考車筆試就係靠讀考車筆試雞精書順利過關一take pass，所以今次我哋就打算睇哂呢本雞精書去考online test 就實無死。點知買咗返去讀，再睇埋官方提供嘅考試資料，就已經睇到雞精書覆蓋嘅題目範圍其實唔廣。雞精書好嘅地方就係俾怕讀英文嘅人有個易啲入腦，容易消化嘅版本去初步了解會考啲咩有關加拿大嘅知識。但係，考試最後都係會用英文/法文，所以睇中文都係無用。雖然20條Multiple Choice 答中15條就可以過關，但如果啲試題貼唔中就好大穫。所以，如果大家最近、或者日後要考入籍試，一定要讀官方提供嘅資料，唔好靠睇雞精書呀！想繼續接收加拿大多倫多實用生活資訊就要繼續follow【90後加拿大移民記】Instagram/Facebook: fromhkgtoyyz要了解更多我生活嘅大小事，就follow【29+1媽媽】啦～Instagram/Facebook: 29plus1mama#加拿大搵工 #工作假期 #打工度假 #加拿大 #多倫多 #工作 #移民 #港人移民 #移民後生活#canada #toronto #IEC #workingholiday #canadapr #workincanada #workingholidayhk #immigration #torontoblogger #hkcouple #fromhkgtoyyz
