最近加拿大政府宣布準備開關，接種咗兩劑疫苗嘅美國旅客可以喺8月9日入境加拿大，而其他國家嘅旅客都可以喺9月7日入境。而我亦打齊兩針，幸好副作用都唔算好大，只係好似作病沾寒沾凍咁，無發燒，休息咗一日就回復正常。以下集結咗少少關於疫苗嘅資料，準備要來加拿大嘅人要留意啦。 1.咩人可以喺加拿大接種疫苗?任何身於加拿大嘅人都可以接種疫苗，即使你以旅客身份入境探親，定係持工作簽證嘅人士都可以到疫苗接種地點預約或者walk-in去打疫苗。只要帶護照、工作／學生簽證、同醫療卡就可以進行登記。2. 非加拿大居民接種疫苗需要收費嗎？任何人士接種疫苗均是免費。3. 加拿大有邊幾款疫苗打?一共有4款，但要視乎你居住嘅省份同區域。我住嘅安省約克區(York Region, ON) 現時就打 Moderna 同Pfizer兩款。- Pfizer-BioNTech（輝瑞 - 復必泰） — 供12歲或以上人士接種- Moderna （莫德納） — 供18歲或以上人士接種- AstraZeneca/COVISHIELD（牛津－阿斯利康） — 供18歲或以上人士接種- Janssen (Johnson & Johnson / 強生) — 供18歲或以上人士接種4.第一針疫苗和第二針疫苗要相隔多久才可接種？- Pfizer-BioNTech（輝瑞 - 復必泰） — 需於第一針的3週（21日）後才可接種第二針- Moderna （莫德納） — 需於第一針的4週（28日）後才可接種第二針5. 如入境旅客已在其他國家完成接種兩針疫苗可以入境加拿大嗎？目前獲加拿大官方認可的疫苗共有以下４款:- Pfizer-BioNTech（輝瑞 - 復必泰）- Moderna （莫德納）- AstraZeneca/COVISHIELD（牛津－阿斯利康）- Janssen (Johnson & Johnson / 強生)旅客需在入境前嘅14日或之前完成接種第二劑疫苗先可以免除家居及酒店隔離同到埗第8日嘅病毒測試。但旅客仍需於登機時出示病毒檢測陰性報告、完成接種疫苗證明、ArriveCan 健康申報表、隔離計劃書。如你有同行的子女未滿18歲未有接種兩劑疫苗，同行子女仍需進行14日家居隔離，接受第8日的病毒測試（5歲或以下除外)。資料來源／延伸閱讀：https://www.canada.ca/.../vaccines/how-vaccinated.html...https://www.cbc.ca/amp/1.6107988想繼續接收實用嘅多倫多生活資訊就要繼續follow【90後加拿大移民記】 Instagram/Facebook: fromhkgtoyyz想了解更多我同我小寶寶嘅生活大小事，就請follow【29+1媽媽】 Instagram/Facebook: 29plus1mama
