喺我未出發去加拿大working holiday前，我對多倫多嘅概念大概只有尼亞加拉瀑布（Niagara Fall)，諗住嚟呢邊探吓朋友，打工儲吓錢，體驗吓外國嘅生活。但後來發現原來多倫多嘅華人係超級無敵嘅多！（近年就內地人比較多，早十幾二十年前就香港人較多） 繼而驚喜發現，原來呢邊都有好多適合香港人口味嘅嘢食！茶樓點心非常足料，燒賣有成粒乒乓波咁大粒，有港式茶記，明爐燒味，雞煲打邊爐，有東北餃子店，粵式粥品店，仲有日/韓/台/泰/越菜！ 聽一位喺英國移民過嚟嘅朋友覺得多倫多嘢食好大碟，足料，而且普遍非常好味。唔會係「偽中餐」水準！雖然呢度食嘢要計稅（多倫多13%稅），加埋強制性要俾嘅小費（最少10%）。但係，由於份量多，我覺得依然係值嘅，因為份量真係多到你可以打包，另一日帶埋飯做lunch box 如果當時我揀去歐洲working holiday，或者我就會好掛住啲亞洲風味菜式。雖然我都好鍾意食扒、意粉、漢堡包，都唔希望日日都淨係食西餐點擊圖片放大 +2 非推廣廣告-以下嘅食店都係我自費去食嘅地方
