"在萬尺高空一躍而下" 在你的人生checklist裏嗎? no? 那快點加入這項吧! 係凱恩斯cairns係玩skydiving既大好機會呀! 點解? 1.澳洲超著重安全, 可以放心玩! 2.坐小型飛機途中飽覽雨林+大堡礁景緻 3.相對其他地方價錢較平 好啦好啦...玩就玩啦一生人一次! 地點 有2個跳傘地點可以揀 1: Cairns city – drop zone近city郊區, 降落係田地上. 成個行程連來回車程大概半日 (7am-12pm). 2: Mission beach - 要去mission beach要搭差不多2小時車, 所以選擇跳mission beach 要預全日時間 (7am-5pm). 降落係沙灘上面, 同有海邊自由活動時間 我就揀係cairns跳啦, 沙灘landing唔特別吸引到我. 反而想係上空睇下cairns係點樣, 仲望埋大堡礁邊緣. 加上mission beach將會係我下個目的地(去helpX), 不如慳錢又慳時間跳個近既! 跳傘公司有幾間, 我今次呢家skydive cairns係最大規模既. 加攝影dvd + 相片package. 拍攝分兩大類: 1: 隨身教練手持攝影 2. 另請第3人跳傘專責攝影 當然專屬攝影較貴啦. 攝影又再分要相片/影片, 或相片影片都要. 價格可參考上圖, 通常travel agent報價都較這單張便宜 早上7點hostel外pick up, 載多5個人就開去機場既office & lounge. 到達後比埋尾數(比現金!因為信用卡手續費超唔抵), 磅重, 填form, 借長褲, 睇教學短片, wifi上網…搞搞下就有幾個教練嗌名, 搵佢pair既人開始著上裝備啦 我既教練Jeremy 一時話會係Brisbane降落, 一時話我太輕, 會stay係上面forever=.= 係咁搞gag想令我唔好咁緊張, 其實我真係唔緊張… 直到d人係機上面開始一個個唔見左, 就洧啦 (因為我最輕, 所以最後一個跳) 小型飛機慢慢爬升, cairns真係好靚呀! 上呀上呀…地面的東西已經小到看不見, 另一面看到無比廣闊既大海…係呢個時候, 飛機已經高過雲層, 上到14000ft既高空啦! 一瞬間心情由讚嘆變成洧底! 因為前面既人已經開始跳啦! Shit! 望住d人一個個咁唔見, 就好似戰爭片一個個去死咁… 好快就到我啦! 嗚呀係機艙門邊望到距離地面好遙遠呀~雙手,頭向後, 我地就向前跳啦! 轉圈轉圈翻滾而下, 最後直直望住大地超快向下墜落… 超強離心力其實只有數秒, 之後就是超快速的自由墜落時間. 壓得想要揮手, 轉換動作都很困難! 就這樣freefall 60秒極速撞向雲層, 向地面墜落 開傘後瞬間舒緩下來, 慢慢的飄… 想像剛才自己一定非常猙獰搞笑, 後來教練還讓我操控滑翔方向, 都要頗用力才可以拉扯繩索. 果一刻真係好似隻雀咁飛住睇呢片田野… 好似...又折返人間啦... 轉下飄下, 最後係草地降落. Perfect landing! 推薦! 來Cairns高空漂浮一下啦! 好好玩啦唔太恐怖啦…最驚都係飛機上果陣咋, 信我! 仲有既然跳得, 就買埋dvd到將來回味你勇猛既一面啦
